最近發現了這間薄餅店,本身喜歡食Pizza 既我又點可以唔GoGoGo呢! 店內基本都以外國模式運作,所以點餐都需要全英語 不過唔洗怕雞同鴨講點錯餐,入門口左手邊有中英對照的餐單,而且可以用食物代號點餐。 今次我地一行三人 叫左三份薄餅+兩份小食,Pizza嘅體積望落好似好驚人 但因為餅底係脆超級薄底,所以一個人食一塊負擔都唔會太大。 Classic Pepperoni 經典辣肉腸 評分:7/10 HK$ 37 材料:辣肉腸 三個波餅當中辣肉腸薄餅嘅味道最濃, 薄餅本身番茄醬味道好足夠, 所以加上較濃味辣肉腸 對我來說就太重味了, 但適合重口味嘅朋友。 GAMBIT 棋開得勝 評分:8/10HK$ 40 材料:入口火腿、菠蘿、粟米 佢另外一個名叫 夏威夷薄餅,所以佢嘅材料平常夏威夷薄餅一樣。 選用的番茄醬跟辣肉腸的一樣,但今次煙肉味道唔重,加上又清新菠蘿中和味道,所以味道剛好。 PAWN 士兵之選 評分:6/10 HK$ 30 材料:純芝士 三個薄餅當中 士兵之選味道最淡,雖然是全芝士 但芝士比預期中淡,相比之下十分遜色。 但佢嘅優勝之處在於夠平 BBQ Buffalo Wings 燒烤味水牛城雞翼 評分:8/10 HK$ 55 烹調上不算是特別出眾,但雞翼的靈魂原全在於醬汁之上。醬汁的BBQ味十分濃厚,令人想一試再試。 Spinach and Ricotta Ravioli 菠菜軟芝士意大利餃子 評分:7/10 HK$ 90 餃子飽滿嘅菠菜和軟芝士,令每一口都有飽感,但因每一啖餃子有極濃厚嘅蒜蓉味, 令人停不了口。 紅磡必嘉街92-112號地下14A舖 Shop 14A, G/F, 92-112 Baker Street, Hung Hom 港鐵黃埔站 B 出口, 步行約5分鐘