到左年尾總結時間，好多地方都show年度總結年度排行等等，日本YAHOO都出左呢個搜索大賞，睇下呢一年黎邊個人比人search得最多，唔知今年有邊幾個聲優成為左熱門呢？睇下你中意既角色既配音員有冇上榜啦！有聲版：Part 1 傳送門10：林原惠美 はやしばら めぐみ老實講我呢個年紀就唔喺好識佢🤪睇番佢啲作品先：綾波麗（新世紀福音戰士） 武藏（神奇寶貝） 灰原哀（名偵探柯南） 最原終一（新槍彈辯駁V3 大家的自相殘殺新學期） OMG！大佬黎Σ（ﾟдﾟlll）EVA 綾波麗同哀醬原來都喺佢配！重有Pokémon 嘅武藏😂😂冇睇過日文版😂😂重有原來最原喺佢！！彈丸粉表示呢個角色把聲喺最有印象🤪🤪姐姐不愧喺姐姐，到2021年都重喺熱門搜尋⭐️9：花澤香菜 はなざわ かな香菜！！呢個真喺陪住我大，由中學入坑個陣開始已經知道香菜，一路到而家見住佢做歌手拍廣告，睇住佢由當年個個軟萌聲線，到後尾發展到有崩壞腹黑聲線，重睇到佢同小野賢章結婚😭😭😭我都老啦😭😭😭咒術回戰0——里香 近期大熱作品相信喺呢套，喺香港都就黎上映，都幾中意睇咒術迴戰動漫嘅表示準備去睇🤩🤩另外比較出名嘅主演作品有：出包王女——結城美柑 竟然有出包王女！呢套元祖級後宮番🤡🤡睇過一兩集就放棄左🤡物語系列——千石撫子 相信唔記得邊個叫香菜，都應該記得邊個叫「兵庫北」（誤），呢個梗圖應該好多人都睇過😂😂不過唔好再咁叫香菜啦，佢本人因為咁都唔喺好開心，搞到而家佢都唔笑🥲其實我喺想講就算唔認得樣，都會記得佢嘅戀愛循環，就算而家我都會間中喺一啲舖頭聽到呢首歌🤓呢首喺佢配物語系列嘅時候，為千石撫子呢個角色唱嘅角色歌，千石撫子記憶中好似喺蛇女😂😂又同神谷合作，淨喺記得佢個陣同神谷做節目或者活動個陣成日比神谷調戲😂😂😂好似由DRRR已經開始左😂😂😂Angel Beats!——立華奏 天使嘅聲音！冇得講，喺麻枝准指名要佢配奏！又喺同神谷合作嘅一套😂😂我的妹妹哪有這麼可愛！——黑貓／五更瑠璃 Ummm算喺同之前出名嘅角色有啲唔同style，我睇俺妹其實都喺因為中村悠一🤡命運石之門——椎名真由理 Duduru~~呢個口頭禪唔會唔記得！太過經典，steins gate 都一樣太過經典，喺好多人話喺神作但我睇唔明嘅一套🤡覺得應該要睇多次，因為我以前喺放棄左(｡･ω･｡)PSYCHO-PASS——常守朱 Psycho pass! 一入動漫坑就追嘅新番，常守朱把聲因為喺類似警察嘅角色，所以會比較Man少少，一樣咁正🥰🥰呢一套第一季都好睇！懸疑推理加少少科技感嘅世界觀，個種衝擊真係太正！學生會長是女僕——花園櫻 櫻！呢個甜到爆炸嘅校園戀愛番！好睇！重溫左3次🥰🥰碓氷完全喺理想男朋友😭😭櫻喺女主角美咲嘅friend，平時負責派下膠可可愛愛間中花痴嘅角色，最後都有情人終成眷屬👏👏絕園的暴風雨——不破愛花 Wow 講起不破愛花已經有聲，呢個喺個比較神秘嘅角色，記憶中🤣🤣佢亦都有啲高高在上同埋其他人睇唔明嘅氣場，所以把聲攻氣十足，愛花女王😍監獄學園——綠川花 Ummmm呢一套好難comment🤡其實佢當年漫畫已經幾hit，我好奇去睇左少少，重口到呢⋯⋯估唔到動畫化到，更加估唔到喺啲cv都咁出名🤡🤡🤡🤡除左香菜，重有又喺你嘅神谷浩史、鈴村健一、小西克幸、浪川大輔、伊藤靜等等。其實重有⋯⋯我都未講得曬，呢啲唔喺大前輩就喺出名嘅聲優。未睇過可以挑戰下呢套🤪🤪除左主要角色之外，香菜都有啲唔喺主演但都一樣咁有話題性嘅角色！例如：魔奇少年——練紅玉 工作細胞——紅血球 東京喰種——神代利世 超級槍彈辯駁2 再見絕望校園——七海千秋 私心加埋陣彈丸論破🥰🥰🥰七海小天使😭😭😭8：榎木淳彌 えのきじゅんや喺未聽過嘅聲優😂😂一睇角色，即刻get點解佢會喺到☑️咒術回戰——虎杖悠仁 呢一年除左鬼滅，就喺咒術回戰最出名，作為咒術回戰主角嘅聲優，關注自然唔會低🤓不過講真，佢把聲唔算喺好有辦識度個種，難怪會記唔到佢🤯佢重配過半妖的夜叉姬——日暮草太 工作細胞BLACK——紅細胞 鬼滅之刃無限列車篇——煉獄千壽郎 都喺冇點睇過嘅動漫，或者唔喺重要嘅角色，咁樣好難記得你喎🤯7：浪川大輔 なみかわ だいすけ呢個就真喺老牌聲優，佢嘅成熟聲線同純真受嘅聲線差別超級大。佢出現過又出名嘅成品多到講唔曬，就quote 啲我睇過嘅黎講🥰佢重有上声優と夜あそぶ呢個節目，應該都係令佢上到第7既原因。TSUBASA翼——法伊·D·佛羅萊特 童年回憶！ 香港叫翼之奇幻旅程，CLAMP嘅神作之一😭😭溫柔到爆炸嘅法伊😭😭😭彩雲國物語——杜影月／陽月 童年回憶x2🤪呢套好好睇！最近先重溫左一次😂😂 睇番日文版先知杜影月喺浪花配lol 呢個人格分裂嘅男仔戲份好重🤪🤪漫畫結局動漫未做到🥲🥲想知最後點😭😭家庭教師REBORN!殺手利邦——澤田綱吉（十年後）、彭哥列一世/喬托/澤田家康 家教！！！中學個陣每年都要重溫一次嘅動漫😂😂熱氣漫嘅初心！十年後篇真喺家教嘅TOP2😭重有得動漫先有嘅初代戲份😍😍初代Family真係好正，幾時有第二季😭😭FAIRY TAIL魔導少年——傑拉爾·費爾南迪斯 傑拉爾😍😍😍同艾爾莎呢對去到後期真喺甜🥰🥰大魔導演舞以為佢要死，嚇到傻左🥲🥲佢配過正既角色LIST長到爆炸：排球少年—及川徹 意呆利—意大利 網球王子系列—鳳長太郎 BLEACH—烏爾奇奧拉·西法 好想告訴你—風早翔太 全職獵人—西索 Fate/Zero—韋伯·維爾維特 東京喰種系列—有馬貴將 JOJO黃金之風—喬魯諾·喬巴拿 紫羅蘭永恆花園—吉爾伯特·布干維利亞 無職轉生～到了異世界就拿出真本事～—瑞傑路德·斯佩路迪亞 6：下野紘 しもの ひろ紘糖會係到出現真係唔洗講，佢因為幫鬼滅之刃既我妻善逸配音，而令佢既知名度又升左唔少。聽佢把聲好似好young，其實已經出度左好多年，由0幾年開始已經作為聲優活動緊。佢把聲吧辨識度其實好高，佢把聲線都偏高，有人用「dirty high」黎comment佢把聲（笑），係話佢把聲高音得黎又有少少賤賤地既感覺。可惜既係好多佢主役個啲我都冇睇到，對佢既善逸係最有印象，佢既語速真係快得驚人（笑）部份代表作：閃電十一人—半田真一 S·A特優生—狩野宙 記得個陣都覺得好睇，只係啲人既比例特別長...緣之空—春日野悠 只有神知道的世界—桂木桂馬 歌之王子殿下♪LOVE1000%—來栖翔 進擊的巨人—柯尼·史普林格 5：木村昴きむら すばる wow大叔低沉魅力聲出現！記得佢個樣好似係有少少mix咁，search完先知係德日mix，個樣幾有feel！笑左佢既出度作就係呢套哆啦A夢，負責胖虎呢個角色，大家get唔get到佢把聲（笑），佢把聲好夾啲不良少年，例如有暗殺教室個個一開頭成日同大家唱反調既寺坂龍馬 重有全員惡玉入面既小混混，佢冇名...個個淨係叫佢チンピラ 重有咒術迴戰入面極具個人特色既東堂葵，呢個一見人就問理想對象type，同自己唔同就dup你既人，相信令大家對佢好深印象，先令佢出現係第5呢個位置。 覺得可以期待下佢配重要既大叔角色，佢把聲其實同啲好型既大叔好夾！4：中村悠一 なかむら ゆういち U!！！！！！驚訝你只係得第4！呢把聲應該係我既初戀聲線，幾斗男神！佢同組長呢個好基友啲互動都好笑到癲左！佢個樣係真點大叔，但係佢把聲真係好聽到爆炸！！！！！佢會出現係呢個位置絕對同咒術迴戰既五條悟有好大關係！守護甜心!—月詠幾斗 呢套其實都幾神作，唔覺得個idea係個陣其實都幾新穎咩！男神一定係揀幾斗，高冷神秘，雖然話佢個陣對聲線掌控未係好成熟，但係都已經夠個種味道！講到想追埋漫畫，幾夢黨～CLANNAD—岡崎朋也 嗯...其實我睇左幾隻CLANNAD，太過人生有種太沉重既感覺...OK我重細:D 反而對佢呢把平平淡淡既聲冇咩印象，因為講起CLANNAD，佢兩首歌真係太神。FAIRY TAIL魔導少年—格雷．佛爾帕斯塔 格雷！！！！用冰既魔導師，成日唔著衫既一個角色，同主角納兹成日嗌下交，得閒派下膠，少年感十足既角色。我的妹妹哪有這麼可愛！—高坂京介 呢套完全係另一個中村悠一，其實佢本人把聲比較沉，但係京介把聲係偏高，加埋成日係到吐槽，冇諗過佢可以咁嘈（笑）罪惡王冠—恙神涯 涯QQ 出場開始就一路都係大腦派指揮，把低沉成熟聲線真係好正！妖狐×僕SS—御狐神雙熾 如果對高冷成熟聲線冇咩感覺，御狐神既成熟魅惑聲線真係攞命！佢配音個陣既氣音同尾音都加左唔少，聽聽下真係覺得狐神就係要呢個感覺！銀魂'——坂田金時 睇佢同組長（銀桑）一齊癲喺幾好笑嘅🤪咒術迴戰——五條悟 五條先生！！！！由中村悠一配簡直喺令呢個角色升華（太誇張），平時派膠就用比平時要高嘅聲黎配，去到打交個陣就用番低沉嘅聲，聽到熱氣沸騰😭😭😭佢嘅反差萌正到爆炸！佢認真個陣把聲好似有種擺脫唔到嘅吸引力，可以無限loop😭😭好掛住五條先生，準備睇劇場版！重有啲冇講到嘅角色包括：冰菓——折木奉太郎 只想告訴你——真田龍 無頭騎士異聞錄 DuRaRaRa!!——門田京平 世界一初戀——羽鳥芳雪 魔法科高中的劣等生——司波達也 陰晴不定的體操哥哥——熊谷みつ夫 3：山寺宏一 やまでら こういち呢位喺大大大前輩🙇♀️大到我都唔認得😂😂😂佢比較出名嘅角色有：EVA——加持良治 魯邦三世——錢形幸一 銀魂——吉田松陽 最遊記 ——沙悟淨 都喺啲有咁上下年代感嘅動漫😂😂😂我諗佢今年爆到Top3嘅原因喺因為個套大名鼎鼎嘅魯邦三世要出新作——魯邦三世 PART6，而佢負責當中嘅錢形警部，令到大家又對佢有關注度呱🤓🤓2：澤城美雪 さわしろ みゆき美雪姐姐！而家已經喺人妻兼媽媽，想當年重係見面會同Mamo 挽緊情侶遊戲，笑到傻左，個場好似喺畫質感人嘅DRRR見面會🤡美雪姐姐把聲喺天生御姐聲線，個人覺得個啲高冷御姐嘅角色真喺好match佢把聲。無頭騎士異聞錄 DuRaRaRa!!——塞爾堤·史特路爾森 其實呢套冇認真睇，但喺無頭加埋成日著緊身衣嘅塞爾堤，由美雪姐姐黎配都幾夾！配塞爾堤個陣喺用比平時更低嘅聲線黎配，有種冷漠同埋不吃人間煙火Feel😂😂流浪神差——毘沙門 呢套好睇！夜斗同毘沙門嘅互動都好可愛🥰🥰又喺身材好好嘅姐姐角色🤪🤪傳說中嘅武神，美雪姐姐配到好覇氣🥰🥰我都想做毘沙門嘅式神😍😍鬼滅之刃 遊郭篇——上弦之陸-墮姬 今年話題性咁高，應該喺因為呢一套，又喺呢一套鬼滅之刃！喺12月終於開播第二季，小朋友睇唔到嘅遊郭篇～美雪姐姐就負責配身份喺上弦的墮姬，超級正！最近先播到第三集，可以話喺墮姬正式出場，呢個角色其實幾正！平時脾氣差到爆炸，但喺又因為實力好高而有種唔放你在眼內嘅高傲，個種聲線嘅魅力同香菜喺食屍鬼神代一樣。佢重負責過配：薔薇少女——真紅 化物語——神原駿河 1：三石琴乃 みついし ことの 美少女戰士R——月野兔／水手月亮 咒術迴戰——冥冥 呢位都喺大大大前輩！負責美少女戰士月野兔嘅配音，重有新世紀福音戰士嘅葛城美里，雖然冇睇過，但都feel到佢好勁！最近配過嘅角色就喺咒術迴戰入面嘅冥冥，個個髮型黑人問號嘅高專老師，其實戲份唔喺好重，對佢冇咩印象😂😂
