點擊圖片放大 +3 呢間位於深圳南山嘅 Oeuf,係一間法式甜品小店!店內裝潢係簡約韓式風,門口設有木地板戶外位,陽光正嘅日子去飲杯咖啡食件Cake,真係超有Fel,好啱影相打卡。甜品方面,佢哋嘅招牌焦糖香蕉朱古力切件蛋糕絕對係重頭戲,上面幾片香蕉表面炙燒過,形成一層香脆嘅焦糖薄膜,入面除咗有口感綿密嘅朱古力慕斯同蛋糕胚,仲夾住好厚實嘅新鮮香蕉切片,食落濃郁得嚟又多重口感,朱古力控一定會好滿意!另一款粉莓切件蛋糕就相對清爽,頂層用咗新鮮紅莓點綴,甜酸度平衡得啱啱好。夾層有特调嘅莓果奶油同埋酥脆顆粒,一路食一路有驚喜,完全唔會覺得膩,好適合配返杯拉花精致嘅熱拿鐵一齊食。無論係甜品嘅顏值、層次感定係小店嘅環境氣氛,都表現得相當有水準。如果假日想過深圳南山 Chill 吓、歎個高質下午茶,呢間絕對值得入你嘅打卡 List。