女為悅己者容呢句說話成日都會聽到 由細到大自己都好貪靚 到踏入社會後發現素顏樣番工會嚇親人 於是開始買化妝品 增添自己氣息自我感覺良好D 試過淡妝濃妝 最後嘅結果唔係咩妝先適合自己而係用咩化妝品先適合買過好多化妝品 深明一個道理 多又點呀 岩用先得嫁 我自己最近呢年都好鍾意用呢4種化妝品點解鍾意用？係因為呢4種化妝品都有一個共同點 就係一盒或一枝產品幾個用途 Too cool for school呢盒修容陰影粉除左用黎打光影陰影 有時我重會當佢眼影甘用 當然你唔可以預佢好顯色 話曬都係自然陰影粉 到另一樣啦 就係Benefit 嘅Benetint Cheek & Lip Stain睇個名都知胭脂同嘴都用得 顯色度超高 平時我係上下唇各點一下 再掃開甘就完成 用甘小嘅量就變成紅唇 呢隻紅無論你便服look 定番工look 都襯到 clinique 胭脂除左胭脂用途 夏天用作眼影都ok 呢種tone 嘅顏色 無論做眼影定胭脂都夠自然 到最後一樣產品 Too cool for school art class nudge cheek & eye 呢枝係我每次化妝必用item 對我黎講係3用Tim 眼/唇/胭脂 睇落好深色但當胭脂用上面掃開 自然得黎又有陰影效果 上嘴效果係啞身面 單用又得 on top 加一層gloss 唇彩又得當眼影用要留意嘅係會有小小浮腫感覺 可以加啡色 平衡番 岩岩講左4種產品 一物幾用 除左幫銀包慳錢之外，重可以慳番地方 最重要係過期掉個時 無甘肉赤 化妝品開左最多放1-2年 開得多掉得多 又要買番掉左嘅產品類型 不如做過精明嘅美女重好啦! 多謝睇到最後嘅你 如果鍾意我嘅分享請㩒訂閱 我會不定期作出不同類型分享下一篇再見!BYEBYE! 歡迎邀稿、合作試用等Facebook Page: Karlee•90s•Hkgirl•BeautyIG: karlee90sbeautyEmail:Kammy523w@yahoo.com.hk
