上星期出發去韓國旅行, 今次都係跟團去架''* 我地就揀左永安既皇牌旅行團【江原道, 首爾滑雪五天之旅】 首先同大家睇下我地住既3間酒店啦~~ 第一天: 太陽郵輪度假酒店 Sun Cruise Resort 地址: 江原江陵市江東面正東津里 50-10號 這艘坐落於江陵, 海拔約60米山丘上的大郵輪造型的度假酒店''* 仲係韓國欣賞日出最佳地點 ~ 正東新海岸山壁之上!! 行一段直路就會入到大堂!! 大堂既佈置都係以帆船模型作擺設架~~ 幸運地, 今次我地住既係海景房啊!!!! 房間非常寬敞啊~~ 內裡設備齊全, 有梳妝台, 電視, 衣櫃及雪櫃!!! 東西亦擺放得很齊整架~~ 洗手間內均有浴缸及企缸!! 基本的沐浴用品都有供應, 只係沒有牙刷牙膏喔~ 來到房間既窗邊, 就係超正既海景View''* 可以望到長長既海岸線, 出面仲有個露台可以出去欣賞架!!! 個景色真係美不行啦!!! 一邊望住個海岸, 另一邊就係公園, 遠少少仲有沙漏公園添~~ 係哩度睇日出日落一定超正架''* 我地都係為左哩存船先報哩個團架咋!!! 第二天: 鳳凰城渡假村 地址: 江原道平昌郡蓬坪面綿溫里1095 去滑雪點都會住一 晚滑雪渡假村既!!! 今次我地住既就係係江原道既鳳凰城渡假村, 都幾出名架~~ 幸運地, 房間竟然係肥仔既生日啊~~ 點都要影一影低佢先!!! 房間比較細, 仲係Twins Bed 添~ 入面有基本既設備, 衣櫃內亦有膠拖鞋提供!! 洗手盤處於洗手間外面'* 內裡有浴缸, 都很乾淨整潔的!!! 房間對住另一面山景, 都可以見到遍地白雪架!!!! 我地對面房就係對住滑雪場架呢~~ 而鳳凰城渡假村距離首爾只需約2小時的車程, 亦通都算方便架~ 第三,四天 Novotel Ambassador Gangnam Seoul 地址: 首爾江南區驛三洞 603 滑完雪後, 當晚住在江南區的諾富特酒店!!! 佢係5星酒店黎架, 位置正中又方便去各個主要景點~ 係條斜路落去就係好繁華既江南大街黎架''* 有好多地道街邊檔, 酒吧, 仲有韓國品牌既鋪頭等等.... 大堂既裝潢不錯, 很有浪漫感覺的巴黎鐵塔模型啊!!! 房間內不算寬敞, 設備比之前2間更齊全~!! 仲有免費的咖啡及茶包供應啊''* 今次仲要係大大既Double Bed, 擺設整齊企理~~ 還有很大塊鏡方便梳妝呢!! 洗手間整潔, 酒店仲提供沐浴用品~ 除左沐浴露, 洗頭水及Body Lotion 外, 仲有磨砂Gel 提供添啊''* 而且仲係要自動坐廁黎, 可以洗PATPAT, 吹乾等等功能!!! 仲以為得日本先有添''* 快樂既假期真係過得好快架~ 五日真係唔夠喉啊, 下次一定會再去韓國玩過!!!
