身為港島人約朋友食飯通常都係銅鑼灣~~ 今次就同友人黎到我經常幫襯既拉麵店, 就係登籠街的金田家''* 這裡是九州風味的拉麵, 之前吃過十分喜歡!! 今次再來幫襯, 發覺 menu 不同了''* 拉麵款式多左幾款, 連味道都多左選擇!!! 另外仲多左小食可以選擇呢~~ 跟友人們就點左 2款試下, 賣相好似不錯呢''* ❤ 唐揚雞塊 (HK$35) 炸得好香脆, 內裡嫩滑, 不會過油及味道剛好!! ❤ 男爵薯餅 (HK$33) 這是兩塊不同口味的薯餅~ 左邊的是栗子紫薯餅, 微甜的紫薯內有著一粒粒的粟子, 口感及味道都不錯； 右邊則是牛肉薯餅, 內裡有小粒的牛肉, 味道較淡, 但薯餅是炸得好脆口的~ 個人較喜歡栗子紫薯餅, 不過價錢來說都幾抵食的''* ❤ 至尊拉麵 (HK$98) 我選了這個 100% 濃豬骨湯底的至尊拉麵, 及加了HK$12 要了溏心蛋''* 約有五-六塊薄叉燒, 配料的比例都算多~ 而且同樣可以選擇麵的軟硬度!! 湯底很香濃的豬骨湯味, 不油不膩, 但沒有之前的甜味~~ 叉燒很軟腍但太薄身, 如果可以厚一點點就更有口感!! 幼身麵條很算彈牙, 是我喜歡的質感''* 最後就那溏心蛋, 跟以前的完全不同了, 一咬開沒有很流心的效果； 而且味道好像不一樣, 這個真的有點失望!! 總括來說, 個人覺得以前只專注同一款拉麵的時候味道更好''* 現在都不算差, 但就是沒有了之前的味道罷了!! 之後就去左好想食好耐既【沛公甜品】 每次行經耀華街都會聞到好香好正既榴槤味!!! 以貓山王榴槤的甜品專門店~~ 係門口已經見到有好多唔同既外賣甜品； 咁岩我地幾個都榴槤怪, 整返個榴槤盛宴先得!!! ❤ 榴盤 (HK$198) 當中包括榴槤法式燉蛋, 榴槤千層班戟及榴槤糯米糍''* 榴槤法式燉蛋榴槤肉係中間, 配上法式燉蛋的整法榴槤味不算太重； 而榴槤千層班戟是用上 D24 榴槤製成, 味道較淡~~ ❤ 榴白 (榴槤鮮奶燉蛋白) HK$128 鮮奶燉蛋白配上榴槤醬, 帶有椰醬的味道； 但同樣好香的 D24 榴槤味, 鮮奶蛋白仲好滑添!!! ❤ 芒果糯米糍 (HK$34 / 3粒) 糯米糍皮厚但很煙韌, 內裡藏有很厚身的芒果肉''* 可惜那芒果偏酸, 影響了味蕾~ ❤ 貓山王榴槤千層班戟 (HK$88) 千層班戟是這裡最出名的甜品, 而貓山王榴槤梗係最受歡迎架啦~ 薄薄的班戟皮夾埋一層以貓山王榴槤蓉打成的忌廉, 看上去真係好多層架!! 味道好濃郁, 好滑, 又唔膩； 差不多整個比我食哂丫, 絕對係榴槤怪真係必食之選''* ❤ 榴槤咖啡 (HK$88) 第一次飲用榴槤來配合的咖啡~ 味道不會有太濃郁的榴槤味, 因為本身的咖啡味較濃； 攪勻後就會飲到淡淡的榴槤香味, 估不到兩者係夾得到架''* 只是價錢不算便宜, 真係間中食一次半次止止癮好了~ 不過食得出佢地係用心製作的喔!!! 這次榴槤盛宴真係好爽皮, 下次再試埋其他款式既榴槤甜品先得~~ 金田家 地址：銅鑼灣登龍街34號地下 沛公甜品 地址：銅鑼灣耀華街25號丹納中心2號地鋪 ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ 歡迎大家跟我聯絡喔~ Email: winniecard@yahoo.com.hk BeautyExchange．BeautyLife．BlogDB．Blogspot．ELLE．FanPiece．FnB．iTrial． MyCossip．Qooza．QoozaBeauty．she.com．Sina．theZtyle．UBlog．WeShare Kami 嘉美 の 貪靚鬼愛分享 Promote Your Page Too
