專屬香港的西餐大排檔~~ 相信你一定第一次聽, 而我亦第一次黎試試!!! 就係位於尖沙咀的新店 Chef Stage de Eddy Chu 顧名思義係由有【西餐浪子】之稱的名廚 Eddy Chu 主理的西餐廳!!! 這裡由裝潢到設計都很優雅舒適, 令人感到很自在~~ 跟高檔的西餐廳無異, 特別既係他以西餐料理跟大排檔合二為一 打造出專屬香港的【西餐大排檔】 首先以 48個月的風乾西班牙橡木果黑毛豬火腿配提子為頭盤''* 看上去的黑毛豬火腿色澤很光鮮通透, 每片都切得薄薄的； 咸香味適中, 不會過咸, 不配上提子食用都冇問題~~ 另一道頭盤：凍蝦沙律配洋蔥欖油 (HK$88) 凍蝦沙律可見到跟一般的不同, 就係它以大蝦及洋蔥粒為主； 大量的洋蔥粒配上新鮮蝦及沙律菜, 一口過放入口估不到佢地係咁夾既~~ 凍蝦很鮮嫩爽彈, 新鮮的洋蔥不會過辣或入唔到口''* 亦增加了口感, 喜歡吃洋蔥的話這個絕對愛上!!! 當然這道前菜是值得推薦給大家~~ 食西餐怎可少了一杯 Coctail ?? 看似淡粉紅色的雞尾酒係由荔枝酒, 雪碧, 士多啤梨醬混合而成； 沒有太多酒精的味道, 微甜的味道好適合女仕們呢''* 西式餐湯必有的：黑松露蘑菇湯 (HK$68) 未上台時已經聞到陣陣的黑松露香味, 它以蘑菇磨碎製成的濃湯； 內裡仲帶有新鱗拆的蟹肉絲, 多了一份鮮甜的味道!!! 每一啖都帶有粒粒蘑菇碎, 而且唔會很膩很飽肚~~~ 飲完仲有添加的衝動!!! 超級喜歡的說''* 主菜就係這個非常特別的香港豬扒包 (HK$88) 這就是專屬香港的豬扒包, 內裡用上巴西黑毛豬, 將它切成絲狀方便食用； 仲配上秘製的醬汁及新鮮生菜!!! 而且 Eddy 仲話用手黎食先係最有風味的 (我絕對認同呢~~) 先壓扁個豬扒包再一啖咬落去, 外面脆卜卜內裡很 JUICY, 絕對係高水準的豬扒包!!! 另一道主菜：慢燒美國牛肉眼 (HK$388) 它以慢烤的方式去煮理這肉眼扒, 亦需要花上點時間及心機~~ 外層帶點熟, 內裡則是半生熟的程度, 肉質特別 JUICY''* Eddy 更建議先食香菜及菠蘿, 後再食牛扒； 感覺果然有所不同, 令牛的味道增添了層次感, 味道更佳!!! 而且唔會覺得油膩的感覺, 好特別的 crossover 呢~~ 最後就以 Apple Crumble 焦糖香蕉配雲呢拿雪糕作結''* 它是即叫即整的喔, 上台時新鮮熱辣!!! 熱辣辣的蘋果金寶有很香的肉桂味, 味道不太甜且份量剛好； 配上雲呢拿雪糕, 一凍一熱咁食很爽吧~~ 這裡還有海鮮拼盤的耶~~~ 有時令生蠔, 藍蝦, 赤貝, 帶子, 鮑魚.... 簡直令我們流哂口水呢!!! 最為特別的就是這個由 Eddy 調配的獨特醬汁!!! 用上蜜糖溝麵豉醬, 配上不同海鮮有不同的味道, 可以增加其鮮甜的味道''* 十分推介喔~~~ 想試就記得一定要 book 台啦!!! 佢地真係幾 full 下架''* Chef Stage de Eddy Chu 地址：尖沙咀亞士厘道17-19號19樓 電話：2303 0999 ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ 歡迎大家跟我聯絡喔~ Email: winniecard@yahoo.com.hk BeautyExchange．BeautyLife．BlogDB．Blogspot．ELLE．FanPiece．FnB．iTrial． MyCossip．Qooza．QoozaBeauty．she.com．Sina．theZtyle．UBlog．WeShare Kami 嘉美 の 貪靚鬼愛分享 Promote Your Page Too
