近幾年素食很受大家歡迎, 原因是較健康!!! 間唔中食一餐都不錯, 所以早前來到一間新派素食餐廳~ 就係位於北角的【素食。分子 InnoVeggie】 一見到 "分子" 兩字就聯想到最近很 hit 的分子料理!!! 這裡全都是主打 Fusion 的素食''* 這裡地方都算易找, 內裡寬敞整潔!! 入口位置更設有近期人氣非常的 Lab Made 分子雪糕專櫃~ 走到店的盡頭仲有較隱蔽的卡位, 仲有一個大大的位置, 可以給大伙兒作聚會''* ❤ 日式豆腐 軟滑的凍豆腐配上香滑的芝麻醬汁''* 味濃而不膩, 好開胃~ ❤ 羅勒粟米片 本以為是平時食早餐的粟米片, 原來係似墨西哥的三角型薯片來''* 脆卜卜的粟米片配上蕃茄粒及羅勒, 味道酸酸辣辣的~ 令人食完一塊又一塊的醒胃小吃!! ❤ 煙燻素鵝 用上腐板包著一堆素菜餡料~ 包括甘筍絲, 香菇絲, 蘿蔔絲, 木耳及沙葛等!!! 咬落十分爽口, 又不會太油膩, 好多不同餡料令口感很好豐富''* ❤ 甘荀湯 望落以為係南瓜湯, 飲落就有少少甘荀味; 但個人感覺它十分似平時飲既蕃茄薯仔湯的味道!!! 質感較杰身, 可以飲到甘荀蓉的口感~ 整個湯好滑好濃郁, 都幾飽肚''* ❤ 冬菇包 望上去根本就係冬菇樣, 原來這個冬菇包入面係有餡架!!! 口感平平時食既麻糬波波, 入面係蓮蓉餡, 而包面係用上可可粉來"扮野" 整得真係好似, 比佢吧哂丫~~~ ❤ 泰式生菜包 素肉碎以香辣的調味料一齊炒,配上新鮮生菜包裹來吃!!! 口感豐富又惹味, 而且辣味十足, 食得辣既一定喜歡~ 生菜可以減低其辣味, 不過依然感覺好辣''* ❤ 夫妻肺片 這個以素肉及蒟蒻來製成的夫妻肺片''* 像真度很高, 蒟蒻的那一塊仲有紋理的, 很像魷魚片!!! 味道濃郁, 配上其特別的肉汁, 不錯~ ❤ 蕃茄雜椒螺絲粉 這是正常的蕃茄味螺絲粉~ 味不算濃, 清清地可以中和之前的濃味菜''* 最後就到我地十分期待的 Lab Made 分子雪糕作甜品!!! 當天的味道有:楊枝甘露, 蘋果金寶, 意大利芝士蛋糕及白朱古力脆脆乳酪配士多啤梨醬''* 他們每兩星期都會更換一次款式的呢~~ 我就揀了楊枝甘露口味, 大大杯仲有好多芒果粒, 味道同平時的一樣喔!!! 而杏仁就揀了蘋果金寶口味, 都不錯, 肉桂味都好濃郁''* 記得分子雪糕要快d 食啊, 因為會好快溶掉架~ 今次真係試到好特別既分子素食料理!! 平時以為食素會唔飽肚, 原來哩個觀念一直都係錯架~ 其實間唔中食一餐都不錯呢''* 素食。分子 InnoVeggie 地址:北角堡壘街2-4號地下 電話:2856 6238 ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ ~ ♥ 歡迎大家跟我聯絡喔~ Email: winniecard@yahoo.com.hk BeautyExchange.BeautyLife.Blogspot.ELLE.FanPiece.FnB.iTrial.MyCossip. Qooza.QoozaBeauty.she.com.Sina.theZtyle.UBlog.WeShare Kami 嘉美 の 貪靚鬼愛分享 Promote Your Page Too