話說因為而家我返工要幫手整Creme brulee（負責加糖係面，然後用個火槍燒），本身只要小心d其實都冇野，但人類偏偏總要重複相同的錯誤，有日岩岩燒完，有個同事咁岩問我野，我一邊應佢一邊放返個火槍去腳邊個櫃入面，點知一時唔為意，就俾個燒到紅哂既火嘴「辣」到隻手，即刻已經hi甩左少少皮，但係當下我完全唔覺得有咁嚴重，仲慢慢攞埋野比個同事先去沖水。而沖水個時先覺得唔對路，個傷口開始紅腫痛，唯有即刻走入廚房話比經理知。 兩位經理A同B本身傾緊計，我同佢地講我燙到，問佢地有冇Cooling gel可以比我搽（因為根據我之前做珍珠奶茶店既經驗係有既，個時一比熱水燙到會即搽），經理A即刻陪我上Office搵，點、知、竟、然、冇！（A走去問另一個經理C，C仲話我地係唔俾用Cooling gel架，只可以用凍水沖，我個時已經心諗WTF!!!!!!????)，咁經理A冇辦法之下唯有幫我就咁搵紗布捲住就算，之後笑笑口話"god bless you, continue to work"咁...... 我唔明點解餐廳個急救包會咁弱智，仲要唔俾人用cooling gel, 大佬我地好容易燙親切到手是常識吧！btw廚房入面煮野係用電磁爐，我做conveyor反而要用明火......
