我有個巴西同事平時有儲coins既習慣，佢琴日問我有冇香港既coins可以比佢，咁我又真係有幾個，所以今日就帶左返去比佢。 佢仲要勁開心同我講"Let me show you my collection~" 原來佢儲儲埋埋既coins有成兩大本咁多，我睇完發現大部分地方既coins設計都大同小異，都係圓形金色銀色，大細厚薄又差唔多，放埋一齊其實都唔知邊個打邊個，反而香港既寧舍特別，尤其是2蚊銀既波浪邊，波蘭經理行過見到仲一邊摸一邊勁讚勁欣賞！ 之後我逐個香港coins show比巴西同事睇，1毫2毫5毫1蚊同2蚊（咁岩冇5蚊10蚊哈哈哈），而我咁岩有個1986年的女皇頭2毫子，我同佢解釋因為香港是前英殖民地，所以以前的銀仔是女皇頭的，而家好值錢架，而新的銀仔就是the flower of Hong Kong（洋紫荊）。突然間，我好似從呢堆銀仔，看到香港既衰落。 (圖下排是同事交換給我的巴西Coins)
