呢兩日，我又見識到英國式做事方式。（好長，慎看） 事件一： 我在八月底已經make左appointment琴日去銀行開戶&攞debit卡，好啦咁我準時係朝早11點去到，坐低等左陣個reception竟然夠膽死話我個appointment其實係10點，即係我已經遲到，我話喂唔係喎我係約11點架喎！佢死話唔係，仲叫我等多陣睇下個banker有冇時間見我......之後雖然個banker都肯見我，但一入房又係聲稱我遲到個d....... 我同佢講，你地send比我個e-mail係寫11點！佢竟然話「Then they send you the wrong e-mail...」（因為係另一個同事安排appointment既事）我心諗，咁而家你係想推卸責任定點？ 後來佢叫我比個e-mail佢睇，一路睇佢就一路自言自語式咁話「oh 係呀邊邊個同事send錯左個e-mail比你啦......」然後仲要show返佢個schedule比我睇：「你睇下，根據我個schedule你真係約左10點架......」 其實！我係冇興趣了解你地邊個步驟或者邊位同事出錯，我只係想快快手開到戶口同攞到張卡，你地內部要追討責任可以等我走左先搞，唔使同我交代咁多......而且，可能個banker認為唔係自己錯，所以最終我一句道歉都冇聽到。 事件二： 我屋企八月底用空郵寄左一箱衫過黎比我，預計一星期會收到，咁好啦，因為我既疏忽我唔記得叫屋企人係包裹上面寫d衫係自用既，咁世上最偉大的英國海關就當我d野係商業用，扣住我成箱野，仲寄封信黎要我交成30幾鎊稅，話交左先寄返箱野比我。好！我交！ 由於佢封信上聲稱「the easiest way is to go online to arrange payment of these Customs charges...」所以我就上網交，仲揀左16號送黎，點知我到今日都未收到！所以我決定打電話去追問，個職員講左一大堆野之後（英文有限聽唔清楚），佢問我聽日12點前送黎得唔得？我話「I can wait till 12 tmr , but my parcel suppose to be delivered on 16th......」 不過可能佢知係佢地公司理虧，所以當我問聽日送黎使唔使extra charges既時候，佢都話唔使（因為星期六送貨要加錢！）。比左咁多稅，想攞返箱衫姐，都搞一大餐！ 我只希望呢類型既事唔好成日發生....因為同佢地周旋真係好煩。
