說來話長，本人係一個90後的女仔，做左2年半的設計師，不過早前辭工了... :lol: 其實我讀過高級文憑之後，就投身設計的行業，我的經歷可能會幫到岩岩讀完書，正在搵工你...有興趣就睇一睇啦:) 因為本人讀的係商業設計 [即係咩都識小小咁啦，但係就可以搵到自己真正的興趣] 但係就想做室內設計 畢業前就緊係非常擔心啦，屋企又冇人做呢行 好彩得到老師既幫忙，推介入一間小型的設計公司，未畢業咁就開始了我設計既身涯... 第一份工都做左有三個月，係一份part time的設計師，畢竟我的畢業作品展都未完成，需要時間 雖然我每一日都番工，好似full time 咁，但係只要我需要放假就一定可以放到 呢一個就係最大的優點，一來畢業會有旅行，我又要做作品，又要搞畢業展既野，咁樣既狀態係最好既 呢一份工對我黎講就好似體驗咁，究竟咩係室內設計...我係唔係仲想行落去呢? 三個月後我就比人fire左!? [人生的第一次炒魷...ha] 原因係咩呢!? 其實我既身分係一個helper，本身佢地就足夠人手，手上既project完左就會同你講: 「如果我地再需要幫手就再聯絡你啦」 時間其實都岩岩好既，唔通一直做part time，我都應該搵番份正職... 開始的都順利，好快就去左另一家設計公司做，同樣係家居既設計，有少少經驗既我都算快上手 公司面積大，雖然人唔多3個人加老闆，設計師同秘書大我少少，做起野黎又岩傾 而且我覺得老闆又信任我，因為我讀平面，公司logo redesign 都想我參與，人工低一低都唔怕啦，有人欣賞波 番左幾日工，咁岩撞正颱風，新鮮人的我，早早就起左身，陪兩老飲個茶 睇住電視，落波就番去公司啦，點知廣告時段老闆已經打黎: 「去到邊呀?落左波啦波番到公司未?」 我心林唔通我miss左!? 拿拿聲我拎住個袋就出發，系地鐵我先知原來1個鐘之後先落波... 算啦都出左發，老闆可能怕我讀完書無耐唔識要番工啦 番到去閘都未開，我就緊係拎出鎖匙，電話又響啦 「去到邊呀?公司電話冇人聽呀!!!喂?你系邊呀?喂?喂?...」 其實我有答佢架...不過好似在門口收唔到 一開門我就沖入去用公司電話打番比老闆... 老闆緊係有d火...又話我唔答佢...公司電話無人聽點得架...其他人去哂邊... 講完之後我見公司浸水咪拖下地 半個鐘...1個鐘...個半鐘...終於有人番黎 我好心急咁講:「你地咁耐既，老闆問我你地去哂邊，我都唔知點答啦!!!」 佢地笑一笑，整理好地方，又番去做野啦 其實打風又冇人打黎，又會忙得去邊wo，加上就黎lunch time... 大家就吹下水，就問我今日幾點番到啦...我原原本本將故事講出黎 佢地就問我知唔知打風落左波兩個鐘番到公司就得? 我咪好直接話老闆問我去到邊牙馬...佢地又笑...話: 「老闆都有打比我地呀...」 「咁你地仲唔快d番?得我一個系公司都唔知點答老闆」 「你知唔知道如果你番工中途比樹枝掟親冇錢賠架? 加上你又未係正式員工，果陣又未落波，番到公司又有咩可以做到?d客呀...公司呀...都冇咁早啦...」 之後大家就開始細數公司既問題... 例如係d師傅頂唔順老闆呀...新公司鋪好哂磚又話要改第二隻，要鑿哂佢 之前d單位，老闆又畫錯唒油壓床的尺寸，整左出黎就只可以放係公司showroom入面 佢地仲帶我入去睇...床都有三張..大大小小磚預多左的... 可能因為老闆太後生就做老闆，讀滿書就開公司 師傅呀公司既客全部都係佢爸爸的朋友... 之後又問我知唔知自己既試用期有幾耐? 有冇系道學到野? 我就答:「唔知呀...老闆都冇提過...至於學野...我都係跟你地學...」 「雖然我地經驗多少少，但係都唔教得你幾多...經驗多少少都人都冇...你覺得老闆可以教到你d咩...」 「...」 「老闆佢明知18:30放工，18:15先番黎，一個一個就問進度，先有人知佢想點改。你係新人先第一個搵你，好似我地咁...7/8點先開始改，咁就真係死得啦...如果老闆同你一齊辛苦就唔同，次次講完佢又收工啦...你就做到凌晨...」 「...」 「最火果次就係幫佢趕圖，兩三點老闆明知房開哂燈，仲要帶個人番黎飲酒，細聲講大聲笑，最後只可以走佬...唉...姐係我地又唔係想要叫你快d走...不過你真係要林清楚...」 「咁...咁...你又做左成年...咁點解你仲要係道做姐...早就應該轉工啦...」 「因為我簽左一年約...年尾我就走架啦...果時老闆一直拖住我，試用期差不多做左兩三個月，追左幾次簽約就話有人工加，林住都好啦，點知做就做哂全部」 就係因為咁樣，老闆番黎我就問清楚試用期既事，當然最後就回避左 既然人工8千都冇，又奇奇怪怪咁，又學唔到野咁，不如就再去搵過第二份工啦... ---------------------------------------------------------------------------------------------------------- 所以各位新鮮人，第一次搵工既時候要注意 1. 先了解行情，同行新人應該有幾多人工 2. 試用期的長短，比自己心理準備，亦係保障自己 **有些公司會有一張紙關於試用期，至於內容，你就要好好睇清楚 如果佢話"冇"，你就要更加小心，佢可能立即簽約，約的內容就要更為注意 不然就係拖住你，有起事來，你的立場就更加麻煩 3. 讀果樣未必做果樣 當然我會建議先揀同讀的相關的工作，再跟興趣走 畢業讀的需要實習一下，先知道點樣去應用，自己係唔係有喜歡走落去 4. 設期限比自己 (我個人係三個月，不宜太短) 一，先知道自己的方向 二，盡力去做，達到公司既要求，新人不可能一開始就完美 放下自己，試下跟人地的方式去做，必有佢的道理 三，反思，問自己:「係唔係適合? 學唔學到野?」 學的不一停係人地教的，旁邊的同事打電話，都可以係學習 要睇 要聽 要做 要試!!!! 以上內容一律係我的個人意見:) 一律作參考，謝謝
