決定好要去WH，準備家當既時候，錢就係身家的所有。 人生路不熟，錢最緊要帶得夠！何謂「夠」？人人唔同啦。不過相同既就一定係度度都zip D錢，差在未zip 入鞋底。 所以出發之前就已經睇定係當地開戶口須知，一有戶口就可以存哂入去。 爬文都好多人提過proof of address 呢樣野，well，我相信以下方法可以拎到住址證明。 1. 申請NI 比較多人既做法都係先申請一個national insurance，做法應該係打電話去申請。 網上有公司可以代理，不過個人認為無呢個必要哂呢個錢，同埋有關私隱外洩問題。 有朋友既經驗係申請NI可以需時好耐，不過我仲未搞呢樣野，所以到時再 update. 2. 申請電話咭 呢個係我嘗試做既方法。 係出發前2日，我已經上左giffgaff 個網話要申請免費sim card, （當時我已經confirm 住既地方）然後官方就send 個email 黎話張咭會係3-10 working days 就會到。 而我到埗之後第2日就已經見到有信啦。 不過... 我蠢左。 因為我無apply an account 所以寄到黎我個名係anonymous... 所以得物無所用。anyway, 我得到一張sim card. 當地既朋友提醒我去開個account 再試過。再接再勵下隔左幾日又收到信啦！ 不過... 都係無名氏。 所以呢個方法 唔work! （註：如果你有(幸)收到呢一類提供手提電話服務公司既住址證明，依小妹所知，HSBC係不接納既。） 3. 第三個方法有雞先定蛋先既感覺。 係。我既銀行信會成為我既一個住址證明。 呢個時候一定有人問，乜開銀行戶口唔係一定要有住址證明既咩？ 答案係：如果你同我一樣都係拎住本紅簿仔就方便辦事啦。 我既經驗去左hsbc, barclays, lloyds, 入去問staff我要開戶口，佢第一句就問student or work here，第二句已經係有無住址證明，well，我無。然後就話俾佢知我拎住BNO，WH VISA blablablah，其實都已經無用，佢地只係一味講返要proof of address 呢樣野。 然後失望之際走入TSB，今次我係拎住本BNO行近櫃台話要開戶口，佢就已經幫我make appointment，我仲問返轉頭要唔要proof of address，佢話 coz you are holding a British passport, you don't need a proof. 嘩 就係咁，我成功係第3日開到個戶口。 （諗返轉頭就係你同一個普通人講我有咩咩passport 咩咩簽證，其實可能唔會知你講啦，但係一睇到本紅簿仔，就咩都易辦事！） 半身鬆哂。 因為等緊寄來debit card, 咁就萬事大吉啦。
