瑞士是人間仙境,人人都知,但從來沒有納入我自由行的名單,因為食貴住貴玩又貴,所以卻步了。 但直到上年5月突然看到又飛啦個page有個$3080瑞士機票優惠,搭靚機,回程瑞士航空直航返香港,仲送多程國泰香港到新加坡單程,抵到爆。最重要係時間0岩到爆,食住農曆新年假,同埋正值係我最想遠行休息的時候,所以諗都唔諗就跟住個sample日子買佐lu,就咁瑞士獨遊既計畫就開始了。 之後就著手睇下d blog,睇下有咩行程可以參考下,但發覺冬遊瑞士既資料好少,唯有自己跟住呢d資料再去每個地方網站逐個睇下,跟住就大概知道自己想去d咩地方,做d咩野,就可以預到自己每個地方要留幾多日,再望著地圖加埋check下SBB既行車距離,就開始睇下酒店啦~ 可能有之前係英國,法國同西班牙住Airbnb的美好經驗,已經愛上住Airbnb既地方,一來我鍾意體驗生活,鍾意旅遊時同當地人傾計,了解佢地文化,二來鍾意有家既感覺呢~所以就係Expedia,Agoda,Airbnb比較地方價錢,再用埋coupon code,就book好晒住既地方啦!經驗分享,一個女生獨遊,無人share房租,所以要搵平靚正,地區又好既,真係一d都唔易,但係呢次窮遊,我仲想享受生活,所以都想每日玩完可以訓個好覺,寧願花多d時間,都想搵到平靚正既地方,我都好開心,完成旅程之後,覺得每個住宿都很好呢~ 就等我share下我呢13日係瑞士既住宿啦! 1st Night 宿機場 2nd & 3rd Night Abby 's House ať Rath Golfu 住呢間一來係正車站上蓋,距離琉森只係半個鐘多d,距離rigi mountain車站好近,行就得,好方便,有廚房可以整野食有早餐,結果發覺係畫家之畫廊,好舒服,Abby好nice,我地日日都傾計。 4th & 5th Night ~Edelweiss Lodge from expedia ($848.29 for 2 night) 呢間一眼就睇中啦~ 要上少女峰,可以由Interlaken,Grindelwald 或者Lauterbrunnen上,我有swiss travel pass, 從Grindewald上最平,Interlaken又係大的中轉站,所以就計畫兩個地點都搵幾日落腳下。但Interlaken係團客集中地,人太多,我就決定搵距離謹5分鐘車程既Wilderwil住啦!我好鐘意睇每個地方既舊建築,係歷史文化既痕跡。呢間房好細,但充滿懷舊感,480蚊晚係我旅程中最貴既酒店,但勝在早餐豐富,對窮遊既我,有豐富既buffet breakfast抵番晒! 6th~7th Night ~Mountain Hostel($398.74 for 2night) 成個Grindelward既酒店貴到爆,最平一定係呢間hostel,有早餐食,有廚房,仲有溫泉,平成咁,實係呢間啦~可惜我太夜到達,摸黑搵路,加上咁0岩有學校學生帶隊黎宿營,廚房冇得用,而星期五六先有得浸燒柴溫泉,ohoh,不過第二晚冇人住,成間6人房得我一個,窗外望出去仲係聖誕卡景 抵晒啦! 8th~10th Night~Gastezimmer in einer Villa($967 for 3night) from Airbnb 搵呢間係因為近Zermatt,因為係Zermatte既hotel好貴,其次就係我唔想住係咁多遊客既地方,去到知道其實由sierre去Zermatte都唔近,但我最愛還是這住宿。My Host Rose實在太好人,又黎車站接我,又介紹地方我去,又成日關心我,問我住得好唔好,又車我去車站,真係超好。房又大又靚,又準備好多野食比我,最後一日仲一齊食早餐,真係好開心難忘呢~ 住係呢度令我去多佐好多其他小鎮,雖然冬天沒夏天的美,但很寫意。 11th~12th Night ~Martina's house from Airbnb 最後一間啦,搵呢間係因為我要去Schaffhausen同St.Gallen,而呢度又新Zurich同機場,不二之選啦~結果也很好,好舒服,好自由,廚房任用,host又係勁好。 住宿攪掂,本來諗住再計下點買最抵,諗過買8人swiss travel pass+half price card,但計番我要去咁多地方,又有機會去museum,就算去13日,我都照買15天pass,結果我既選擇無錯,好方便,又抵玩,最叻係我等到個92折優惠先買,係香港Euro rail買,3100唔使,抵到爆。 機票,酒店,車票都準備好,就可以再仔細d砌埋個行程出黎啦~ 因為第一次獨遊既關係,好想玩得開心又安全回來,所以我想準備充足d,每一日既行程都仔細計劃,check晒SBB既行車班次,希望有得跟住行程走會安心d。好開心最後都跟到,仲去多佐幾個地方tim,超開心!