端午節 又到喇！當然要 食粽 應節喇！古人為左唔俾啲魚食投江自盡嘅屈原，就會就將 粽子 投入江河中餵飽啲魚。之後就慢慢演變成今日嘅端午節，產生端午節食 端午粽 嘅習俗。為咗迎合唔同人士嘅口味，近年有唔少端午粽都用上特別配料，滿足大家嘅味蕾。 HelloToby 今次就幫大家預先搜羅咗市面嘅端午粽，為大家揀出 8個必食端午節粽子！ 手工粽 – 端午粽 極致口感 1） 嘉湖粽 — 蛋黃鮮肉粽 地點：石硤尾南山村南豐樓 價錢：＄43 推介指數：★★★★ 經營咗半個世紀嘅 嘉湖粽 ，佢哋嘅 蛋黃鮮肉粽 香氣四溢，粽子 嘅顏色亦都唔係平時所見嘅白色，而係好似沾咗豉油嘅啡色。一咬落去，肉粽嘅糯米充分吸收醬油的鮮味，而粽子內裡嘅鮮肉亦被醬油餣得非常入味，簡直係舌尖上嘅極致享受。總括而言就係好好食！ 2） 圓方餃子粥麵 — 蛋黃鹹肉粽 Credits to fish9babe 地點：深水埗福華街104號 價錢：＄20 推介指數：★★★ 「 圓方餃子 」 蛋黃鹹肉粽 嘅賣點係即場人手包紮，同埋用料夠！現場包出黎嘅 粽子 散發住 粽葉香，剩係咁就已經可以俾滿分！而且糯米亦相當腍口，唔痴牙，絕對啱你！粽子裡面選用肥瘦適中嘅肥豬肉，有口感、豬油香嘅同時，又唔會太油膩。鹹蛋黃亦十分足料！相當圓大！ 3） 程班長台灣美食 — 台灣傳統粽 Credits to 程班長台灣美食 地點：九龍荔枝角長沙灣道883號億利大樓1樓102室 價錢：$29 推介指數：★★★★ 嚟自台灣嘅過江龍 程班長台灣美食 每年都會製作佢地自家台灣傳統端午粽。用料同平時喺香港見到嘅 端午粽 唔同， 台灣粽 用料有香菇、三層肉、蝦米、油蔥。所以食起來會有好重嘅蝦香，感覺會比較清新。 4） 添樂園 — 裹蒸糭 地點：九龍城福佬村道4號地下 價錢：$98 推介指數：★★★ 香港地道九龍城茶餐廳 添樂園 ，每年5、6月都會推出自家製作嘅 裹蒸糭。佢地嘅 端午粽 用上瑤柱、冬菇、燒肉、燒鵝同兩個鹹蛋黃，餡料全部係明星組合！食上去除咗有很重嘅粽葉香，仲有燒鵝同燒肉嘅味道。添樂園 裹蒸糭 最抵讚之處係入面嘅半肥瘦五花腩，口感唔會太肥膩之餘亦都有好香嘅油脂味。 連鎖店買粽 – 端午節買粽 必選 5） 大家樂 — 一哥瑤柱粽 Credits to 大家樂 價錢：$120 （連 紫米豆沙粽 一同售賣） 推介指數：★★★ 大家樂 一哥瑤柱粽 用料豐富，傳單上更聲稱用咗來自日本嘅瑤柱，確保食材嘅質量！筆者試後覺得粽葉香同其他手工粽相比，比較遜色，瑤柱同其他配料食上去口感不過不失。但勝在夠方便，容易買！ 6. 美心食品 － 美心一品家鄉粽 Credits to 美心 價錢：$92 推介指數：★★★★ 美心食品 製作嘅粽就行傳統路線，用料同一般嘅粽差唔多，帶大家憶起最原始、最簡單嘅粽子味道！用料方面，主要有綠豆、鹹蛋黃和肥豬肉。肥豬肉食上去明顯喺製作時用了唔少時間醃製，極其入味。 7. 半島酒店嘉麟樓 － 金腿乾鮑裹蒸糭 Credits to 半島酒店 價錢：$628 推介指數：★★★★ 出名貴嘅 半島酒店 ，每年都有推出端午節粽子，當中最矚目嘅 金腿乾鮑裹蒸糭 就用上30頭鮑魚再配以其他材料製作，吸引大批食客訂購。材料方面就不用贅述，全部都係上等靚料，鮮味濃郁之外，更可以食到原隻鮑魚，咬感十足，感覺物有所值！ 8. 奇華餅家 －極上珠姐XO醬五花腩肉粽 Credits to 奇華 價錢：$66 推介指數：★★★ 奇華餅家 推出嘅 極上珠姐XO醬五花腩肉粽 用上自家製作嘅XO醬，所以難免會帶有少許辛辣味，未必適合唔食得辣嘅人士。餡料方面不過不失，值得讚賞嘅係饀料腌得非常入味，同XO醬配合得天衣無縫。 唔知介紹完上面8款 端午節粽子 之後，你有無睇啱呢？係唔係心思思流曬口水？想自己 包粽 ，但唔識？唔洗擔心， HelloToby 幫到你！即刻報個 烹飪班 學下點樣整端午粽！ 即搵 烹飪班 你係 烹飪好手？加入 HelloToby 平台搵新客戶啦！ 免費註冊為專家 —— 延伸閱讀：【 台北美食推薦 】 7間 台北必食 輕食 小店 延伸閱讀：【 游泳班 開鑼】搵教練 學游水 6大須知（ 兒童泳班 + 成人泳班 ） 緊貼HelloToby Blog同Facebook Page，隨時搵HelloToby幫手！
