前幾日參加盈匯坊暑假市集-夏祭嘅抽獎活動！ 免費送出嬉水區嘅名額 ！結果中左!!! 今日熱辣辣 玩水最好不過 中午就出發前往The Richfield 盈匯坊，地點位於 錦上路b出口直行過條橋再行前多少少就會見到佢㗎喇！！ 入到去環境好乾淨又靚不過我去得早，有美食檔都未開!!!如果大家想知有咩食請禁下面 https://www.facebook.com/328832300976505/posts/578033542723045/ 打卡點超多有帳幕同埋特色嘅土耳其墊必影!!其實佢入面所有既地方都好岩打卡影相， 仲有浴衣租借! 相機腳架都有㗎 一路向前行你會見到側邊兩旁都開咗好多賣嘢嘅小商店 有好多小手作你可以喺嗰度搵你鍾意嘅嘢 到達嬉水區 如果大人想跟埋落水池就要加多20蚊 魔王玩到癲左！！！由一點九玩到三點半!! 媽媽我乾蒸熱到不行了 提提大家因為水池嗰度佢冇帳幕，如果太曬記得搽防曬！大人唔落水記得帶帽同擔遮，帶備足夠嘅水!!!雖然附近啲美食檔會有沙冰賣！哈哈哈！！！ 點擊圖片放大 自己去嘅話呢佢會有個代幣兌換處，只要你喺嗰度兌換足夠嘅代幣你都可以一樣照入去嬉水區同埋參加啲小手工，例如畫畫，畫風鈴，整頭飾!!! 魔王都去畫咗幅pororo，係我同佢仲有教畫畫嘅姐姐一齊完成!!! 啲姐姐們非常有愛心好好人!!!魔王畫畫下走咗去佢哋都肯同魔王玩，比我靜靜地可以完成埋幅畫 魔王鐘意靚姐姐!!今次應該都得到姐姐們歡心啊～ #盈匯坊 #玩水 #畫畫
