今日走到衣間餐廳食日本菜，真係要溫馨提示一提餐廳正門係響馬路位而唔係商場位，因為平時都會係商場入正門，而佢比較特別，不過商場位都有門口入的，只係入去時怕店員未必知！ 餐廳門口暗暗的，但入到去非常闊落都好光猛，有d比佢門面厄左。 坐低店員就隨即比杯熱茶，我地就諗諗食乜好， 有一人套餐有散嗌有刺身優惠，星期一至五8pm後更有指定壽司同串燒同小食優惠，結果我地叫左豬軟骨拉麵、牛肉鍋烏冬、珍寶特大三文魚刺身、4件散件壽司。點擊圖片放大 +2 先黎碟珍寶超大件三文魚刺身，有分3件同5件，我地叫左3件！完全冇諗過咁大舊，平時出面三件即係等於三小片，好似壽司size咁，佢字面話珍寶...心諗都係厚d咁解，但事實一件我覺得可以切到平時既6-7件左右，三件真係好夠喉，$68衣個價錢真係抵到爛呀。 跟住壽司叫左蟹棒、吞拿魚、赤蝦同三文魚腩。整體都還可以，吞拿魚都冇咩根。 主菜豬軟骨拉麵不過不失啦，而牛肉鍋烏冬熱辣辣，牛肉都唔靱，烏冬林身d，口感就各人喜好喇！另外一提如果唔想食拉麵可轉烏冬的，當然價錢會有唔同啦！ 咁樣2人份量已經好飽了，盛惠$264，已計晚市加一 整體都唔差，店員又有笑容都食得開心d呀！可以推介，唔好比個門口厄左，不過唔熟路可能難搵d，因為個人感覺間餐廳位置好似唔太起眼咁。
