最近大熱既天然排毒維他命水-Detox Water，即係將新鮮瓜果混搭，然後浸入水入面幾個鐘。做法簡單，岩晒我地依d忙碌既香港人。加上佢顏色靘，party用都岩用架! 今日我介紹既係香橙檸檬水。橙同檸檬精華熔入水入面，風味清新又好飲，而且有助於燃燒脂肪! 材料： 橙 一個 檸檬 一個 蜂蜜 1大匙 飲用水 1 L 將所有材料放入玻璃瓶入面，再倒入水，充分攪拌，再放入雪櫃4—8小時。 功效: 橙：有豐富維生素C，果肉含有膳食纖維，可以促進消化、改善便祕。 檸檬：有豐富維生素C及E，降低膽固醇及消除疲勞，更可以有美白既功效。 蜂蜜：清熱、補脾養氣及滋陰潤肺 Tips： *只可用玻璃瓶作容器，因為水果的酸性有會令塑膠容器釋放出有毒物質。而我既玻璃瓶就係IKEA買，$20大元。 *水果和水無一定的比例，可以因應自己既喜好調整。 *蜂蜜可以落少D或者唔落，因為太多蜂蜜都易肥。 希望大家鐘意啦! 聯絡:justshine2016@gmail.com
