放假係大埔食完lunch後，就去租單車，由大埔踩去大尾篤，$80一個人，可以係大圍或大尾篤還車，今次我地既終點站就係大尾篤。YEAH!出發啦! 今日天氣唔錯，唔算熱同曬，但好大霧，睇唔到靚景，有ＤＤ可惜。今次係輕鬆之行，所以踩得唔算快，我地經過科學園，大埔海濱公園，工業村，再入到去大尾篤。 到大尾篤，點都要去睇水壩。水壩個邊有人放下風箏，放下狗仔。不過由於假日既關係，好多人啊，多人到根本唔想踩過去，所以就返返去搵ＢＢＱ場食野。 我地去到ＢＢＱ場大約５點，依間ＢＢＱ場有男朋友介紹既，佢話好多年前黎過食，都ＯＫ，雖然比旁邊既貴DD，要成$158一個人，另加$50開爐費。（我見旁邊個Ｄ$138一個人，$30開爐費）但物有所值!依間ＢＢＱ場唔係平時我地去開D ＢＢＱ，佢係用串燒方式。 三小時串燒任食，包一支$9野飲，包小小海鮮，又貴得有佢道理既，野食都好好食。 點擊圖片放大 我地大約７點半左右食完，走個時已經好多大排緊隊黎食～哈哈！今日踩左24.4KM，消耗左1240卡路里，不過食完ＢＢＱ，應該倒肥返至岩～
