朋友話要打邊鑪,仲話要一人一鍋,記得呢度打邊爐係日式一人一鍋火鍋放題,啱晒朋友嘅要求,餐廳面積夠大,又夠開揚,佈置以木系為主,打邊爐嘅餐廳來講又唔太焗,係舒服嘅打邊爐地方😍😍 採用QR code 落單方便,湯底好多款,仲有自助區有好多選擇,最後點了北海道黑毛和牛套餐配德川大將王豚骨湯,個豬骨味湯底真係好濃郁,另外點左芫荽湯底,真係芫荽控嘅天堂😍套餐包左澳洲和牛、美國和牛、極上牛、特上牛、五花肉、鹿兒島和牛肩肉同特選雞腿肉都是任叫,國產北海道和牛牛脂味特別濃郁,而澳洲和牛的雪花紋路好靚,肥瘦比例啱啱好,食落好嫩滑,肉味濃郁。牛板腱肉質比較瘦及細緻,略帶嚼勁,雞腿肉非常嫩滑😍點擊圖片放大 +4 火鍋食材放滿在門口位置,有多款熟食、蔬菜、丸類、醬料、飲品都是自取,一定要食年糕福袋,因為中間個年糕好軟糯,好QQ😍而濃芝豆腐燒都不可以錯過,芝士味道真係不得了😝點擊圖片放大 最後最後一定要玩埋窩夫機,可以自己整窩夫🧇再配埋雪糕🍦係完美嘅一頓晚餐😍大將彌敦道700號T.O.P This is Our Place地庫FoodYum R1號檔