冇得去旅行唯有搵間靚仔嘅餐廳，朋友介紹尖沙咀海防道樓上有一間好似去咗泰國既餐廳，有outdoor位置，但係又唔會覺得好熱，仲有冷氣涼住，真係chill到不得了🤩 食物種類好多架，好岩一班人眾餐😚我地嗌泰式海南雞半隻，全部都去唒骨，好細心💓擺碟好靚仔，而且份量好多😊一邊雞胸，一邊雞髀，雞皮好薄身又爽口，而皮下有啫喱膏，正呢，雞肉嫩滑，富有雞味，雞髀部位最好食😋 鐵板蠔仔蛋❤️ 熱辣辣嘅蠔仔蛋👍蠔仔🦪份量好多，又好飽滿又好大粒，每隻蠔仔沾滿炒蛋，食落又有蛋香，又有蠔仔嘅鮮味🤩 豬肉生菜包，清爽可口既生菜包住香辣惹味既肉碎一齊吃，真係好岩炎炎夏日呀，碎豬肉調味得相當好，香茅同羅勒葉令到豬肉更加提鮮，真係食極都唔停口呀😚 串燒牛舌都幾特別，好少喺泰國餐廳可以食到，廚師將牛舌切片串起拎去燒，燒嘅火候啱啱好，食落爽口，有嚼口但唔會韌，Keep到juicy❤️ 泰斗尖沙咀海防道38-40號中達大廈4樓
