原來旺角T.O.P商場既Food Court開左日式火鍋店，裝修好日本🇯🇵風光，好有日本既感覺，坐得好舒服添，晚市放題限時90分鐘，有美國SRF和牛、美國嚴選極上牛及美國極上牛，我就選左嗰北海道黑毛和牛套餐，去唔到日本都要食番嗰日本味道😍 醬料是自助的，有味噌芝麻汁、柚子昆布、黑麻油及日本京蔥辣油，同平時嘅火鍋店好唔同😊哩度採用一人一鍋，好衛生呢，可以選擇自己喜好既湯底😃丸類都是自助的，款式好多，包括招牌大將軍丸、濃芝豆腐燒、芝士丸、迷你竹輪卷、年糕及年糕福袋，當中我最愛年糕福袋，索晒湯底嘅精華😍點擊圖片放大 +4 北海道黑毛和牛嘅肉質好嫩，望落去雪花紋理好靚，成塊雲石咁，脂肪分佈好平均，果然食落無令我失望喔，牛肉不會過韌，入口有即溶的感覺，肉味濃厚❤️點擊圖片放大 +4 甜品有自助雪糕機，雲呢拿、朱古力及混合口味三款選擇，可以加入不同配料D.I.Y，有得玩又有得食😍 大將旺角彌敦道700號T.O.P This is Our Place地庫FoodYum R1號檔
