今日過左黎駱駝漆大廈買傢俬,行過4樓見到新開左一間專食雞嘅餐廳,岩哂我同媽咪啦,有海南雞,蔥油二撇雞,貴妃雞,重慶口水雞,沙薑雞等,一問之下原來廚師班仔喺酒店出身架👏 點擊圖片放大 +2 我哋嗌左個招牌黃酒藥膳雞,黃酒藥膳上海麵好入味呀,我好鐘意香濃既藥膳味配合埋嫩滑既雞肉,藥膳味香得黎,重點係無味精,食得出大廚用左唔同既材料去醃製,上海麵既軟硬適中,果然係招牌菜,勁推薦呀😜 點擊圖片放大 +2 香辣牛腩飯,超嫩嘅牛腩,口感超正,而香辣味道鎖住牛腩肉汁,食落層次豐富,令人愈食愈開胃,同埋愈咬愈滋味🤩 半隻招牌海南雞,海南雞真係一試難忘,雞皮爽口,好薄身,海南雞中間有層啫喱狀😍細心地去晒骨,而雞肉好嫩好有彈性,配有三種自家製嘅醬汁,三種醬汁我都勁鍾意❤️ 見隔離枱帶咗碗胡椒豬肚雞好似好吸引,我哋即刻唔執輸嗌多碗,好彩有嗌乍,唔係真係錯過咗啲好嘢,哩碗胡椒豬肚湯我寫包單係我飲過最好飲嘅,真係超級濃郁嘅胡椒味,唔係平時飲開好淡,而雞件同埋豬肚都超級嫩,食極都想食嘅感覺你知道嗎? 好撚脆個名夠哂特別,一食落口果然要叫佢個名出黎呀,炸到脆卜卜既豆腐入面釀左墨魚同蝦滑,超級香口😋 點擊圖片放大 濃湯浸菜係用上海南雞嘅雞湯底浸成,食落去特別清甜爽口😚 飲埋杯鹹檸梳打💕下次要黎試埋嗰口水雞先🙋🏻♀️ 二撇雞 📍觀塘開源道60號駱駝漆大廈三期4樓O室