今日過左黎長沙灣整車,整到差唔多一點,一行四人就搵嘢食,見到呢間茶餐廳裝修幾靚仔,一於試吓啦,入到去老闆好Nice,服務態度好好,果然同個名一樣,叫香港人冰室😚點擊圖片放大 +3 嗌左蔥油雞髀🍗蛋飯,賣相好靚仔,仲好大碟,雞髀係生炸,內裏好多汁,而蔥油豉油係自家制,鹹香味十足,雞脾肉搭配太陽蛋跟飯一起吃,想像到我的滿足了吧🤪 海南雞飯,自家製油飯+油菜+油飯+ 海南雞轉左雞髀🍗,油飯用上蝦米🦐炒,香噴噴的,無骨海南雞非常滑嫩,配上三隻醬汁夠曬惹味👅點擊圖片放大 +2 咸牛肉蛋三文治🥪你睇吓啲鹹牛肉滿到瀉晒出嚟😳好滿足🙋🏻♀️ 牛油斑蘭多士,開頭諗住係普通嘅多士,點知勁厚身,而且仲好脆口,配上大大塊嘅牛油同埋足料嘅斑斕醬😍 五香肉丁公仔麵🍜朋友唔夠喉最後嗌多碗五香肉,呢度嘅五香肉丁唔係用罐頭,係自家炒嘅,感覺似五花腩,又有啲似台式嘅滷肉。 嗌左柯華田雪山🏔️呢款飲品好似係新出嘅,飲落唔會好甜而且好有層次感☺️估唔到茶記嘅凍齋啡拍得住出邊嘅咖啡室☕️ 香港人冰室深水埗順寧道29-39號