我一向都好喜歡食古早味蛋糕，今日忍唔住再去返一間我好鍾意嘅古早味蛋糕店，因為囍源蛋糕主張用最正宗既做法，做到蛋糕黃金一樣既邊同底，而且低糖少油，好健康！重要既係店主好有心思，成日都諗特別既口味出黎，而且種種都真材實料又新鮮！我自己就有留意佢地既IG同Facebook，因為晚晚都有餐單出黎，最重要打電話去訂左先，因為個別口味係限量㗎，之後一去到就攞到新鮮既蛋糕喇😋點擊圖片放大 今次我叫左髒髒朱古力，紫薯同咖哋榴連味蛋糕。蛋糕入面好棉密豐滿，但係攞上手完全唔會油，食落口既口感真係好似喺個口入面溶化咁😍係囍源先做到呢種口感。每個蛋糕一食就知冇加任何味精悉數，完全係材料嘅味道，令人食得好放心🤩 髒髒朱古力賣相吸引，黑黑嘅朱古力面配上彩虹朱古力碎，已經夠吸晴，朱古力用料十足，食完一手都係朱古力玩味爆棚，加上朱古力味岩岩好唔會太甜，真係又睇得又食又夠玩味，大推呀😝 紫薯味蛋糕嘅紫薯蓉打到好碎，而且一食落去紫薯味即刻充斥住口腔，令人停唔到口呀，之後發現左原來紫薯味雪凍左仲好食呀，蛋糕都仲保持到咁棉密濕潤，師傅果然好手工🤪 咖吔榴槤味蛋糕，咖哋榴槤驟眼睇同蛋糕黑白分明，但係一食落口餡料即是同蛋糕一齊喺口入邊溶化，真係好特別，令我印象最深刻嘅係香味十足既榴連加上咖哋原來係咁正㗎！👍🏼點擊圖片放大 店員好好人佢會為每一位客人介紹每款唔同嘅口味，而且出示比店員睇係經IG介紹黎買嘅會即刻減$5，而且店員仲提醒我哋最正嘅食法係用電飯煲用保溫功能焗佢三到4分鐘再攞出嚟食，我試過果然係特別唔同喎😍😍😍 囍源古早蛋糕 深水埗北河街123號地舖
