從來都未整過甜品嘅我，係時候要發揮小宇宙，WFH+氣炸鍋，根本就冇人唔識煮嘢食😍今日係爸爸生日🎂一於利用個氣炸鍋整返個生日蛋糕先，跟足食譜整，加加減減調配自己嘅味道，終於一次就搞掂，健康版芝士蛋糕氣（炸鍋版)面世😍其實整吓嘢食可以減吓壓又好玩🥳點擊圖片放大 +2 新鮮熱辣辣嘅輕盈版芝士蛋糕好成功，其實除咗熱食，仲可以放入雪櫃，質感會再硬一啲，兩種食法都好好食😋 材料材料蛋 3隻低筋麵粉 60克牛奶 40克牛油 8克糖 20克鹽 2克做法：1.氣炸鍋先以180℃預熱約5分鐘2.將三隻蛋分開蛋白和蛋黃，然後加入5克糖落三隻蛋白，再打至蛋白可立起備用。3.加入15克糖，2克鹽，40克牛奶🥛及預先加熱攪拌至溶化的8克牛油🧈落三隻蛋黃，並篩入60克低筋麵粉，攪拌均勻。4.舀出一半打發了的蛋白加入蛋黃麵糊中，混合均勻後，再倒進其餘的蛋白並拌勻，然後放入芝士粉。5.蛋糕模放入烘培紙，倒入混合麵糊，然後抹平，輕敲蛋糕模以將空氣擠出。6.放入氣炸鍋中，先以180℃焗25分鐘，然後再以180℃焗5分鐘至蛋糕上色為止。
