🔺香港其中一樣好有特色既食物，我相信車仔麵一定佔一席位🤟🏻我今日食到一間好特別既車仔麵，佢既裝飾好特別，每一位食客都有單獨既座位，好有日本既車仔麵檔既感覺，好正呀😚 🔺最出色既係有六種唔同地方既辣醬俾人選擇，仲有埋介紹好貼心，食辣人士大愛呀！ 🔺小食嗌左人氣生煎包同炸雲吞，大推生煎包，薄薄既皮一咬就穿，熱辣辣既肉汁即刻充斥住口腔，好食。炸雲吞脆卜卜夠哂香口。 🔺車仔麵最興奮既地方就係狂嗌餸，嗌左滷水蛋，豬骨湯貢丸，牛腩，冬菇，魚肉鮮魷，麻吉燒，干貝燒，加上車仔麵不可不叫既油麵腩汁，超級豐盛。 🔺貢丸超級有驚喜，好香肉味好濃，佢比外面嘅貢丸味道更加出。麻吉燒都唔錯，彈口既魚蛋加埋軟林林既麻薯，q感十足。而其他既食物都好好食，腩汁既牛味好香濃，麵底口感好好，十分讚。點擊圖片放大 +5 🔺唔鐘意食麵叫淨餸都得，蘿白，冬菇，滷水豆腐，魚蛋，牛骨汁牛丸，滷水雞翼加油菜都好出色，蘿白好甜，吸收埋腩汁味道好吸引，魚蛋好彈牙啵，係有驚喜，最最最出色既係牛骨汁牛丸，牛丸味道好出，直係一試難忘❤️點擊圖片放大 +2 🔺凍肥妹好有趣既名字，其實係凍朱古力，甜度剛好，而凍檸茶大大杯茶味同檸檬味比例好好，解渴一流。點擊圖片放大 🔺乾淨企理特別車仔麵，疫情下食得好放心，連toliet都特別靚仔🤟🏻 ▪️賞麵▪️荔枝角青山道514號地舖
