旺角終於開咗分店啦,分店都幾大下,好闊落,裝修好懷舊風味,而餐牌上嘅食物種類有好多,如果可以唔使排隊就最好啦😊 🔺招牌肉骨茶款式好多多,藥材味不會太重,可以免費無限加湯飲😚😚嗌左豬腳彎,豬腳起切片,啲皮好骨膠原,口感爽脆🤩 🔺辣死你嗎配仁噹牛肉,椰漿飯加斑蘭及椰漿去煮,所以賣相係綠色,好吸引,味道清香, 配料勁多,有6 款配菜,有花生🥜乾魚仔,青瓜,半隻蛋,蝦片等,口感層次好豐富😊仁噹牛肉煮得軟滑,好似平時食嘅咖喱牛腩,微辣既醬汁,超開胃🤩 🔺馬拉沙嗲串燒3串,豬,牛,雞各一😊雞肉串燒好細串,牛肉燒得唔會過老,豬肉太硬,沙嗲汁係幾好食,整體性價比唔高。 🔺咖央多士,烘得好脆,愛椰香味道一定喜歡💕因爲入面既咖央醬厚厚的💕點擊圖片放大 🔺峇拉煎炸雞翼峇,拉煎係馬拉盞,配雞翼好夾,好香口,嗰外皮好脆,個醬好好味,由於係即叫即炸嘅關係,所以哩碟雞翼勁遲黎,食晒啲嘢先嚟。