夏天唔一定食雪糕雪條先可以消暑，日日食怕且未降到溫已經體重超標。呢日嚟到尖沙咀厚福街的藍馬商業大廈，幫襯近來因千層海膽飯而爆紅的鮨一日本料理。 午市剛開鋪已差不多全院滿座，我倆二人被安排到吧檯高座，坐高櫈當然不會十分舒適，但可以看到師傅握壽司的手藝也算有另一番享受。 日本海葡萄蓄茄沙律 $128 先來充滿海洋味道的海葡萄沙律，據聞當中含鈣量更勝牛奶。 每串海葡萄都有過百粒粒，晶瑩剔透一咬就爆開，海水味一湧而出，是有少少鹹，但知道是天然食品就一於放心食。 上錦繡刺身 $298 這盤刺身認真不貴，一共有8款刺身，每款兩片。 望落色澤新鮮，帶子夠厚肉，連平日經常充當配角的八爪魚都有超大吸盤，口感十足。 另加了磯煮鮑魚 $118，上面鋪了一大團蟹膏，但由於磯煮已令到鮑魚很夠味，所以蟹膏我們是分開食的。 八爪魚燒餅 $28 其中一個超平推介，其實就似是從前放學很愛吃的章魚小丸子，不過用了另一個面貌呈現。燒餅的外圍脆脆地，中間有菜及八爪魚等等增加口感。 日式味噌煮牛舌 $62 睇價錢時沒有預想到份量會這麼大！而且味道一絕，假如配上一碗米粉真的要我食足一星期都甘願~ 近睇就知道牛舌粒粒都異常厚身，口感軟腍又入味！蘿蔔反而普普通通，但這道牛舌依然是我在鮨一的首位推介！ 什錦天婦羅 $78 炸得一般的天婦羅，粉漿有點過厚，食完一件不會想追食第2件。 辣酒煮廣島蠔 $88 另一個送飯之選，湯底辣辣地夠惹味。 每隻蠔都肚滿腸肥漲卜卜，更重要的是火喉掌控得宜，廣島蠔咬落嫩滑，口感像豆腐一樣~ 兩個人食到捧住個肚走，雖然不是每一款食物都超水準，但最少有一兩款是令我到今天都非常回味~ 各位準備光臨鮨一的朋友留意，一定一定一定要點牛舌！ 鮨一日本料理 地址：尖沙咀厚福街12號藍馬商業大廈18樓 (港鐵尖沙咀/尖東站 B2 出口, 步行約4分鐘) 營業時間：星期一至日 12:00-14:30；18:00-23:00 Openrice：https://www.openrice.com/zh/gourmet/reviews.htm?userid=63705209
