近花園街嘅餐廳好多都係茶記冰室，想搵一間好坐少少嘅都唔係易，呢日去血拼前就俾我行經呢間同花園街只係一街之隔嘅餐廳~ 點擊圖片放大 裝修得幾精緻，樓底高高掛咗幾個好似煎堆咁嘅燈籠，木系裝修清清地之餘牆上又掛咗五顏六色彩碟點綴吓，同隔離地下濕滑嘅茶記比較真係天同地，最重要嘅一點係，呢到啲野唔貴。 椒鹽雞軟骨 $18 每次見到呢樣都必定會嗌嫁喇，我同仔仔都鍾意食熱氣野丫麻~ 雞軟骨食落唔肥膩，夠香口，不過啲椒鹽落得重手咗D，食完有D口渴。 芥末沙拉豬扒 $18 見到呢個份量時我真係嚇一嚇，要再望真D個Menu睇吓係咪真係$18咁平，點知係真既，有邊個可以想像到廿蚊都唔駛係可以食到咁大碟豬扒？ 方魚肉碎蠔仔泡飯 $72 方魚其實即係大地魚啦，平時食粉麵都大機會會食到大地魚湯底，因為夠鮮味丫麻！呢碗蠔仔泡飯仲加咗D方魚乾喺面，脆脆地好惹味。 蠔仔份量唔算係超多，但隻隻都肚滿腸肥滑劣劣嫁~ 點擊圖片放大 勝瓜墨魚滑泡飯 $68 呢個湯底同頭先果個比就甜少少，勝瓜爽口嫁喎，仲唔會有我平時好怕嘅青澀味，墨魚滑有口感唔會一咬就散，我果然無揀錯！ 加$14就有特飲，真係超大杯…最後我飲咗一半都無…個肚都就爆咁濟。 桶蠔泡飯要晚市先有供應，今次試唔到都幾可惜，下次夜晚黎食啦唯有~ 一線之緣 地址：太子西洋菜南街206號地下 營業時間：星期一至日 11:00-23:00 Openrice：https://www.openrice.com/zh/gourmet/reviews.htm?userid=63705209
