眼見現今稍有質素的自助餐最平都要六百蚊起跳還要加10%，而八百蚊以上的貴價Buffet更越來越多，若不是大時大節的話真的不捨得食。 聞說近來於婚界很火熱的My Day原來亦有做自助餐，不過就是Semi Buffet，但海鮮甜品同樣都有，我跟男友這晚一於來試吓食物質素兼睇場。 於美麗華扶手電梯來到6樓就已經是Reception位置，設計以淡粉綠色為主。 裝修設計同官方相一樣咁靚，絕對無圖片只供參考成份。 睇Menu揀好食咩先，之後先出去露台位八卦下。本來想要咖哩春雞，但睇到其他人食評話原來唔係原隻雞黎，咁我就揀左A意粉喇~ 我地嚟到嘅時候係岩岩好6點鐘，太陽開始落山。呢個戶外行禮位置都同樣佈置得歐陸式，Backdrop係我一直偏好嘅草地系XD 點擊圖片放大 +3 之後就行個round睇下前菜有咩食，沙律嘅選擇都相當豐富，有整好左既或者自己動手撈都得，我一心本住食海鮮冷盤之後食沙律既心，點知食完海鮮後我已經半飽…全部沙律我掂都無掂過…我連湯都飲唔落呀陰公” 海鮮拼盤嚟啦~ 呢個係2人份量，我知好多大胃王去食Buffet係可以食到10碟8碟長腳蟹而面不改容，不過My Day呢個預備好嘅份量其實已經超出左我可以消滅嘅範圍XD 每人半邊龍蝦，多膏又夠肉~ 另一半Order既美國頂級肉眼扒，開初以為露筍、沙律、野菌、薯條呢幾個配菜係4揀1，點知原來係4樣都有齊~ 肉眼扒我地係要左5成熟，不過上檯時就熟左少少，比較近7成，但味道方面搭夠返，睇圖都見到面頭少許焦香+脆脆地，入口有肉汁而且肉味濃，都不失為一道佳品。 意式蒜香意大利粉配巴黎牛酒燒帶子就係我嘅，見到其他人分享話My Day嘅意粉不錯，試完之後我都覺得係無作大嘅~ 帶子係面層熟但中間生生地，意粉夠乾身惹味，就算飽我都食晒~ 甜品由之前任食，改左做每款都上一件，其實我覺得有點兒浪費，因為去到尾聲其實我已經超飽，每件我都只係食到一兩啖…做左大嘥鬼添/.\ 總括My Day啲野係好食嘅，就算擺西式婚宴定自助餐我都覺得好OK，仲要樓底高、裝修靚，而且外面嘅陽光可以透到入嚟，所以我覺得喺My Day擺中午先至唔會浪費到呢個咁靚嘅場~ My Day 地址 ：尖沙咀彌敦道132號美麗華廣場一期食四方6樓601號舖 (港鐵尖沙咀/尖東站 B1 出口, 港鐵尖沙咀/尖東站 N5 出口) 營業時間：星期一至日 12:00-22:00
