我踏入冬天後的第一場邊爐，奉獻左俾同人鍋。又雞煲又打邊爐，真係少啲胃口都頂唔順。平日食的一般都是先食雞煲，然後加清湯，再原鍋打邊爐，不過同人鍋是兩煲分開的。 跟別的店一樣都是先食雞煲，辣味分成5個等級：大辣、中辣、小辣、微辣及不辣。由於男友其實不食辣，而我又非常喜歡食辣，所以最後我是成功爭取可以叫微辣的! YEAH! 薯粉要花點時間煮腍，所以我們先吃雞。 用響鈴蘸上雞汁是我第一次試的食法，都OK喎，效果脆過用來打邊爐。 薯粉由白色變成啡色，明顯地已經吸收了很多鍋內的醬汁，剛開爐時的確只有輕微的辣味，但一路滾滾之下煲內的辣椒便更出味，所以這些薯粉是頗辣的，但越辣越覺得過癮。 食完雞煲可以開始打邊爐，蕃茄湯底一滾起可以先食已開邊的龍蝦，其實初見到龍蝦時我已預了會是急凍貨，一食之下才驚覺原來是新鮮龍蝦，蝦肉的鮮味跟蝦膏的甘香味騙不了人，沒想見二百幾蚊價錢可以食到新鮮龍蝦，對以下的海鮮便更有信心了。 海鮮拼盤上有鮑魚、海蝦、扇貝、青口、鮮魷、蜆及生蠔，侍應說除了生蠔之外其餘的海鮮都是每天攞貨，而且拼盤的海鮮款式每天都會不同，就取決於當天去買貨時哪種食材最新鮮。用手指督督鮑魚依然會郁，果然夠新鮮! 每款海鮮慢慢食慢慢試，最出彩的一定是鮑魚沒有錯，肉質腍身又有咬口；不要小看那些蜆體型較小，味道亦是十分鮮甜的。 吃過海鮮後可以淥一點菜，蕃茄湯底吸收了不同海鮮的精華，又有蔬菜的甜味進駐之後，單喝湯底已覺得很夠味，而且我跟男友已差不多全飽了，要休息一陣才可繼續作戰。 其餘的火鍋料例如是肉丸、韮菜等沒有甚麼特別了，間間火鍋店都差不多的啦，但這一粒紫薯包心丸是我第一次食的，沒想到原來可以用來打邊爐，內餡甜甜地幾特別。 食到肚滿腸肥般離場，一個價錢可以食到雞煲+打邊爐，兩者都來得有誠意，難怪這店更來炙手可熱，食食下我仲見到個大學同學就坐正我對面檯，哈哈。 同人鍋 地址：尖沙咀山林道29-31廣利樓1樓及地下4A號舖 (港鐵佐敦站 D 出口, 步行約4分鐘) 營業時間：星期一至日17:30-23:30 She.com：http://blog.she.com/justdebbyhk/ Blogspot：http://justdebbyhk.blogspot.hk/ Openrice：http://www.openrice.com/zh/restaurant/userinfo.htm?userid=63705209
