旅遊日期: 2018年1月3日至10日 今次北九州之行, 完全係向住"明治日本的工業革命遺產"呢樣世界文化遺產而嚟, 繼上一篇介紹左長崎市另一個世界遺產"旧木型場", 今篇想介紹另一個位於海上, 早排好常聽既軍艦島。 其實想登上軍艦島並唔難, 現時有幾間船公司都有提供到軍艦島一圈週遊或週遊加埋登島既導覽服務, 視乎提早幾多網上予約, 一般都有提供折扣, 而小弟今次係選擇最有規模既 やまさ海運株式会社, Yamasa Shipping Co. Ltd http://www.yamasa-kaiun.net/joriku 要出發去軍艦島, 其實最好係去日本前係香港網上預約好, 因為即使平日, 遊客都唔少, 為左確保有位, 建議最好係先網上預約 預約係呢度 : https://order.gunkan-jima.net/yamasa/ja/Event/SelDate?ymd=20180423&sel=2&CID=0 先選擇想要登島既日期 2. 選擇想要報名既船班 另外仲有觀光丸帆船遊長崎港一圈, 都係呢度報名 因為係軍艦島只有一個泊位, 為左方便管理遊客, 每次只會有一間船公司既遊客係島上, 所以やまさ海運 一日只有兩個班次: 9:00-11:30 同埋13:00-15:30, 其他時間係分配左比其他船公司 以6月22日為例, 4200円係未打折 3. 折扣左既價格係3300円一位大人, 係當日現場付款, , 4. 選擇參加人數, 另外出發前要簽一張誓約書, 可以自己Print出嚟填, 當日報到時交, 或者去到即時填都可以 5. 輸入你既 名 (只需要入英文名就可以) , 住宅位於邊度, 電話號碼(可以入前一晚酒店既電話), 電郵地址 (最好print 封確認電郵出嚟), 另外係早一日同出發既早上, 船公司都會利用email通知你天氣同出航狀況, 但最終能否登島係由船長決定 6. 入晒所有野, 再下一步就確認 7. 最後Print 張Confirmation Email出嚟, 當日帶去 預約流程就嚟到呢度... 出發當日最好預早30分鐘去到 長崎港ターミナルビル Tel: 81 95-824-0088 駕車既朋友可以泊係旁邊既Youme Town夢彩都, 搭電車就係1, 2系統既大波止站落車行約5分鐘 https://goo.gl/maps/LV8CueR4nWL2 前面棟Building就係長崎港ターミナルビル 入到去搵7號廾窗口報到 跟住人龍排隊就冇伯錯, 職員會即埸收錢同叫你填果張誓約書, 之後會指示你上船既位置, 另外船員係上船時會比一個"Visitor"既牌比乘客掛係頸, 記得要保管好, 因為落船前會收番 因為一船有過百人同時登島,所以呢個牌既作用係將乘客分組, 每組有一位導賞員, 係邊一組就視乎個牌條掛繩既顏色。 由於係預約既時候, 已經說明左你係係咩地方黎, 所以視乎人數, 船公司會安排識講英文既導賞員為外國遊客係島上講解, 所以外國遊客被分為一個獨立既小組。而小弟當日既掛頸牌係綠色, 所以登島之後搵番相同色既一齊跟住行就冇問題。 由於窗口所在既建築物同上船既位置唔同, 所以一定要留心職員既講解, 唔好上錯船 下面白色呢一隻就係要坐既船, 後面果隻就係觀光丸 至於登島同環遊一周既內容就, 待續.... 另一個長崎市既世界遺產.. https://blog.ulifestyle.com.hk/blogger/julianlovejp/2018/03/%e6%97%a5%e6%9c%ac-%e4%b9%9d%e5%b7%9e-%e9%95%b7%e5%b4%8e%e5%b8%82-%e4%ba%88%e7%b4%84%e5%8f%83%e8%a7%80%e4%b8%89%e8%8f%b1%e9%87%8d%e5%b7%a5%e6%a5%ad%e9%95%b7%e5%b4%8e%e9%80%a0%e8%88%b9%e6%89%80/