今年四月去日本靜岡縣遊覽, 當然不能夠錯過靜岡市內既一些歷史史蹟, 仲有開創日本280年江戶時代既德川家康的城下町駿府即係今日所叫既靜岡市! 十分推介大家去到靜岡旅行, 靜岡距離東京乘新幹線只係要一小時, 就可以近距離觀賞富士山,相比人多熱鬧既山梨縣河口湖, 靜岡更有一份寧靜舒服。 呢次係靜岡市既兩晚住宿清水區, 除了JR是來往清水和靜岡既主要交通工具外(雖然較快,但班次較疏), 另外仲有私鐵靜岡鐵道(靜鐵)(班次多但需時較長), 同埋靜鐵巴士。由於所購買既 JR東海富士山靜岡3日週遊券係行程既前三日已經用完, 第四日就安排用靜鐵集團推出既"靜岡鐵道 靜鐵Justline 電車 巴士1日乘車券" 價格為1200円, 印係車票上既日期內不限次數任坐靜鐵電車, 仲有靜岡市內既靜鐵巴士單程600円內既區間都可以乘搭。(唔可以乘坐JR東海道線和新幹線) 搭電車時,利用電車專用既飛插入自動售票機,出站時緊記取回! 乘巴士時,由後門上車抽整理券(目的係證明係600円區間內上車, 下車係前門下車,將整理券放入司機旁既運賃箱,向司機出示一日券印有日期既果一面就可以。 查閱巴士班次,車費可以留意以下既網址。 http://data.justline.co.jp/nanj/index.do;jsessionid=F89275C7241C67292E3C82C2D08E4B4D 一日券內頁亦都印有包括區間入面巴士可以到既地方。 可以乘搭既幾乎都包含靜岡市內最重點既數個景點。 日本平, 世界遺產三保松原等觀賞富士山既最佳景點都包括係乘搭範圍內, 仲有靜岡市內既駿府浪漫巡迴巴士都可以乘搭。 唔洗擔心靜岡係個鄉下既城市, 其實靜岡車站週邊百貨公司, 藥妝店林立, 黎到觀賞富士山之餘都唔洗怕空手而回, 不妨都買一些靜岡茶等等既番去做手信啦。 可以係以下既地點買到呢張一日券 靜岡鐵道: 新靜岡站, 新清水站 靜鐵巴士: 新静岡巴士案内所、靜岡駅前案内所、清水駅案内所 *要注意新靜岡站係靜鐵既車站, 靜岡站是JR既車站, 兩者之間冇互相連接, 兩者經市街行約8分鐘路程。新清水同清水站原理亦一樣。四個車站都設有巴士站, 用電車接駿巴士遊覽靜岡市亦相當方便。建議先計劃想去既地方有邊條路線可以去到,再用上面既網址查閱班次。
