今次第一次做<> 去之前果汁對「岩盤浴」好陌生 以為「岩盤浴」係浴足果d朋友仔 原來「岩盤浴」係要瞓 岩盤浴室有8張黑神石岩盤床 黑神石含有豐富礦物質 可以係溫室中釋放出98%遠紅外線及負離子 滲入身體後,就會大量出汗 只要瞓上黑神石岩盤床20分鐘, 效果等同於跑左5,000米長跑, 太神奇啦! 因為呢個<>可以帶一個朋友仔去 所以果汁就帶左男友一齊去做岩盤浴啦 而佢地有分男賓同女賓 開始之前, 職員都有詳細講解 「岩盤浴」有d同桑拿相似 但岩盤浴室只係keep住係40℃左右 比桑拿室低, 唔會勁太熱 同埋遠紅外線可以深入身體底層 由體內帶走垃圾 可以做到減肥 & 排毒 o既效果! 減肥 「岩盤浴」o既遠紅外線熱度可以作用到身體比較較深的脂肪, 使身體脂肪變成較易燃燒, 易瘦的體質. 而且藉住身體代謝率的提升, 又可加強脂肪的燃燒. 所以長期使用岩盤浴o既話, 不但可以改善身體健康, 又可以有瘦身且變成易瘦體質的效果. 排毒 「岩盤浴」可以清血 & 活化淋巴系統, 因為岩盤浴使用的岩盤當中釋放o既天然負離子, 只有係大自然o既環境中, 與天然紫外線及太陽風所產生反應o既地方才有。而且負離子已在科學中證明可以淨化血液, 促進細胞活化、增加身體免疫力, 以及調整自律神經. 另外因為有還原氧化作用, 更有改變身體酸鹼值o既效果。所以岩盤浴可將體內多於水分&廢物排出, 除左排汗,仲可以有排毒(Detox)o既效果. 正正因為咁樣 每個人都一定要沖左涼先可以入岩盤浴場 因為夏天時人體流出O既汗係有鹽份 所以流出O既汗係會有臭味 而做岩盤浴時因為熱力會令你毛孔擴張 所以當要做岩盤浴前一定要沖淨身體 到你做岩盤浴時你就會排出你身體多餘O既水份、毒素 而呢D汗水係無味, 純水份 而且「岩盤浴」更加可以消除疲勞!!! 因為岩盤浴所用o既『神黑石』可釋放出負離子以及緩緩溫熱身體的效果, 對於消除疲勞來講係相當有幫助, 而且能夠達到全身放鬆. 職員講解完之後就帶我去沐浴更衣啦 每人都有一個LOCKER提供用作放私人物品 LOCKER內更提供每人一包浴袍、毛巾、紙內褲 一袋過好方便, 唔使客人左手一件右手一件咁 好貼心 而且更設有浴室同提供落妝用品供客人清潔全身才開始岩盤浴 而休息室亦提供每人一支水同水機 給客人休息時以補充水份 好啦,,,,,果汁入去LU 而且浴場的嚴格規矩 就係唔可以帶手提電話入內 令客人達致放鬆緊張、繁忙o既生活!!!! 所以, 果汁唔可以帶埋相機一路做一路拍照lu~ 成個過程係...... 首先要沖乾淨身體 - 果汁沖左啦 瞓係鋪上毛巾o既岩盤床上20分鐘 - 入去第一下真係好熱, 因為果汁係一個好怕熱O既人, 但佢O既熱係唔會令人覺得好濕, 所以都可以接受! 不知不覺間, 果汁都真係訓著左! 到左20分鐘時, 囝汁正想起身出休息室休息時, 發現全身真係濕晒, 排汗量真係好多! 果汁亦都聞過一下D汗, 真係一D酸味都冇!!! 休息5至10分鐘黎補充水分 - 職員都提過唔一定要休息夠10分鐘, 如果覺得身體接受得到, 可以休息兩至三分鐘再返入去 再重覆瞓係度20分鐘 - 今次入去, 果汁就俯臥! 職員提過女生俯臥20分鐘有助幫助舒緩子宮, 同埋可以幫助女性O既乳線排出毒素. 一樣, 又係流好多汗! 之後再休息5至10分 休息時, 職員除即送上一杯薑茶, 好窩心~ 完成「岩盤浴」之後, 職員建議用毛巾抹乾身體, 唔好沖涼! 因為做岩盤浴時毛孔已擴張 如果沖涼, 就會達致唔到燃燒脂肪O既功效!!! 做完之後, 覺得個人真係輕左 可能真係排水量真係十分多 同埋做岩盤浴前覺得個肚脹脹滯滯O既感覺都冇埋 整體黎講, 服務態度各樣都好好 到我完成時完全冇 SELL你買PACKAGE 不過果汁 O既男友仔就有少少滿意 佢話個女職員成日係個休息室自出自入 攪到佢好embrassing 清心岩盤浴專門店 查詢:2331 3177/2323 3076 收費:$260/次,套票優惠:十送一 歡迎聯絡果汁 jjuicyjuicyy@gmail.com