近月ss， 工作忙，煩事多，身體差， 老早就忘了要慶祝最愛嘅聖誕節。 可幸12月頭收到了迪士尼嘅邀請，令我重拾對聖誕節嘅熱戀感覺~ 以往去迪士尼，都直接係園內遊玩！ 今次行程稍有不同， 先跟一眾好友到迪士尼好萊塢酒店內嘅Chef Mickey食LUNCH BUFFET~~~ 要到度假區，先要坐shuttle bus! 一大早，邪惡豬扒博士就來接我了~ 是知道我要食大餐嗎? XDD Woooooooo!!! 不暪你說，今次係我第一次到迪士尼酒店呢！心情特別興奮！ 到了好萊塢酒店嘅Chef Mickey， 環境寬敞，米奇處處！ 城堡造型嘅糖心城堡！上面仲有迪士尼列車呢~ 自助餐食物選擇眾多~ 用料亦非常新鮮! 多款食物亦用上了米奇造型，就算係大朋友嘅我都唔捨得食呢~ 另外，食物亦添加得很快，唔駛成日等~ 食物眾多不得止，菜色亦不少呢 有各式沙律 各式熱葷 德國腸跟pizza都很好食呢～～ 海鮮新鮮度奇高~爽口彈牙！！！ 印度菜 那個naan bread 我可是喪食喲～～ 中式點心、粉麵 點心水準亦很高~ 最愛小籠飽 壽司冷麵 刺身超級新鮮，彷似即切上碟咁~ 湯類及粥品 估唔到有麵鼓湯、中式菜及粥呢~最岩老友記~ 各式米奇甜品！！ 每款食一 啖都開心死了~ bread budding 跟蛋撻都係少見嘅buffet choice~ 自助雪糕吧~ 忍唔住自娛一番~ 更有朱古力噴泉！！ 小女孩更自己落手整甜品盤呢~ 靚到唔捨得食不停喪影！ 要食哂所有東西實在有難度喲！ 但跟一大班好朋友唻，就無須擔心啦~~ 正所謂happy sharing嘛! 而且每道菜嘅水準亦不錯，絕對值回票價！！ 席間，更舉行大抽獎呢~~ woooo!!很緊張喲~~ 朱迪抽唔到~但好友們抽中左呢~ 恭喜你地喲~~~ Catherine 抽中的Duffy，立即成了拍照主角呢~ 更開心嘅係，到Chef's Mickey進餐，米奇會親身到來跟你合照呢~~~ ^^ 睇下我地笑得幾開心~ 開開心心就食左2個鐘呢~ Lunch Buffet 價錢唔貴 星期六 : HK$208 [成人] & HK$118 [小童] 星期日：HK$258 [成人] & HK$138 [小童] 食物款式多、味道好、又坐得舒服、仲可以同迪士尼朋友影相，十分抵食呢~ 用餐後，便直接到樂園區去了！！ 樂園內滿滿嘅聖誕裝飾，已令朱迪拋開了煩惱，盡情投入呢~ 入園內，差唔多到巡遊時間，我地就揀好靚位，排排坐好了。 每一次嘅parade，都令朱迪非常投入呢~ 講真，每次入親迪士尼，我都覺得自己變番個小朋友咁咁開心~ ^^ 睇下，有幾多人坐定定等parade (我地係美國小鎮大街都咁多人~ 睡公主城堡果邊多到睇唔到) 據知，入場人數及樂園整體業務，包括餐飲、銷售亦有顯著增長，鞏固香港作為亞洲卓越旅遊度假區嘅地位。 現時嘅賓客來自四方八面，1/4來自東南亞、1/3來自本地，約一半內地賓客來自南中國。 樂園會不斷成長，繼續透過擴建和季節性特備節目，為賓客帶來無數的創新娛樂體驗。 睇完Parade，我地第一站就係新開幕、全球獨有既香港迪士尼第二個主題園區灰熊山谷！ 7月中開幕時朱迪亦去左玩呢~~ 灰熊山谷係首輪擴建嘅最大園區，以美國西部歷奇作主題，擁有迪士尼最複雜的過山車 – 灰熊山極速礦車，約三分之一旅程是向後行嘅。 觀宏咁多個機動遊戲，朱迪覺得灰熊山極速礦車，絕．對．係．最．好．玩！ 勁鍾意玩機動遊戲既我，全程狂笑！！ (坐我前面既kami，話全程極速礦車好搞笑；佢前面既7、8歲小女孩不停簡介極速礦車下一步去邊、後面嘅我就不停喪笑XDDDD 哈哈哈~~唔好意思，因為實在太好玩啦~~) 樂園開幕以來，不斷擴建新的遊樂設施及娛樂體驗。首輪擴建完成後，樂園總面積將增加百分之二十三，娛樂體驗超過一百個。 而唻緊，第三個園區迷離莊園預計於2013年上半年落成，同樣係全球獨有！！ 唔知係咪鬼屋呢？諗起都驚，因為我其實係一個又怕黑又怕鬼既無膽鬼~~~哈哈哈哈哈哈！ 之後我地更去埋首個主題園區「反斗奇兵大本營」探胡迪呢!! 「反斗奇兵大本營」係亞洲獨有，更係舊年11月先開幕。 每次見到胡迪，都令我想重溫Toy Story!! Toy Story原來已經10年啦，但巴斯、胡迪、三眼仔，依然係我最愛嘅迪士尼人物。 去到「反斗奇兵大本營」，一定都會玩這兩個games!! 見到coming soon~ 唔知係咪有新玩具呢? 離開「反斗奇兵大本營」，行番出去就會見到「米奇幻想曲」。 每次都令朱迪睇到伸手去搶寶石！ 雖然每一個位置都感受到「米奇幻想曲」既魔法，不過朱迪既心得係「正中既正中」位置就最真實。當然，亦唔好阻到其他人啦~ ^^ 入夜後，四周嘅聖誕燈飾亦逐漸亮起呢！ 晚上嘅睡公主城堡特別迷人！ 聖誕樹亮燈後特別燦爛！ 成個樂園嘅人都俾佢吸左過去！ 我地影完相後， 便急不及待到美國小鎮大街商店內shopping 啦~ Shopping之餘，影相都係拍定動作~ 新造型的baby 公仔，很可愛！好好攬！ 三眼仔鬧鐘，可惜我已有巴斯，帶唔到你番屋企lu~ 再遇Duffy!! Duffy 真係好好攬、好舒服！！ 呢兩款iphone 5 殼都好靚，可惜無s3... 最後，我帶左佢地番屋企呢~^^ 開開心心渡過左一個pre-Merry X’mas!! 跟著Tinker Bell 回家呢～ 多謝迪士尼嘅邀請呢!!! ^^ 預祝大家都有一個美滿快樂的聖誕節喲~~ ^^ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~ 更多的平台~ ^^ Blogspot Yahoo Blog The Ztyle Beauty Life Beauty Exchange She Blog Lady Qooza Fashion and Beauty Elle Blog U Beauty My Age Premium Blogger Shewin StyleUp
