戰衣備妥嘅話，美絕妝容亦不可缺!!搶眼妝容隨時令你成為全場焦點喲~ 早前，朱迪便去了位於 佐敦薈嘅May’s the Makeup Academy上了一堂非常實用嘅「2.5小時星級化妝set頭速成班」呢！ 這次Makeup Class由兩部份組成，分別由人氣化妝師Jessica Leung 傳授make up 秘技 及資深髮型設計師James Lee 教我地髮型設計。 Jessica教嘅party make up，是比較易自行處理嘅韓式nude make up，加上誇張眼妝，以電眼示人。但正所謂最簡單既妝容先愈見真章，Jessica就教我地「睇落無化但其實有化」既技巧。 技巧以實用為大前提，學懂之後不論日常基本妝或party look都能得心應手。 打造韓式nude make up，打造透、薄、貼服底妝最重要。 而party look另一要點係long lasting!! 所以，底妝以base + concealer + 碎粉就可以了。 就算之後出油出汗，以碎粉輕印就好，亦唔會造成厚重感。 底妝最重要係做好遮瑕嘅步驟。 選擇遮瑕用品時，如果要遮紋嘅話，液體狀最好；遮印或斑，就膏狀最好， 視乎個人需求。 遮眼時，以”打格仔”方法就最薄最貼了。 先向外向下掃，再打橫掃開。 而遮印或斑，以“畫太陽”嘅方法為最好。 用掃將印或斑重要遮住，而遮瑕膏外圍就以掃輕輕掃開。 咁就遮瑕之餘亦唔會太厚 (平常用手指輕印反而會印走遮瑕膏) 即係咁樣~ 之後用碎粉定妝就完成底妝部份了。 上眼妝前，建議先用幼滑碎粉放於眼下，咁完成眼妝後，將碎粉掃走就不怕影響底妝了。 先以帶有閃粉嘅eye shadow掃係眼頭。 再用主色eye shadow由眼尾向前掃向眼中、再由眼頭向後掃向眼尾。 咁眼妝就會又自然又sharp啦~ Eye shadow完成後便到眼線了。 分3部完成，內眼線、外眼線及睫毛之間嘅眼線。 慢慢細心畫，即時令眼部顯得又大又有神。 先畫上內眼線及睫毛之間嘅眼線，再用上假睫。 先用上帶濃密及修長嘅假睫，而且痴上時不用貼近眼部。(為什麼呢?稍後揭曉~) 可用眉鉗及牙籤幫手。 先用眉鉗將假睫貼上眼，然後用牙籤（圓頭部位）輕輕將假睫固定。 貼好假睫後，再畫上外眼線。 剛才提及假睫唔駛痴太貼，因為貼上假睫後會再畫上外眼線，可填補假睫跟眼部嘅空隙之餘，亦有將眼部放大嘅效果。 貼好假睫，便再用上浮誇嘅羽毛款假睫，增加眼部立體感。 Wooo!! Party look差不多完成了!! 最後，掃上胭脂、搽上唇膏跟lip gloss，最後畫眉就大功告成了。 由於妝容以眼為focus，胭脂跟嘴不能太重，免得變成「阿梅」妝。 （小貼士：上唇膏前先用concealer搽嘴，咁唇膏嘅色就唔會受到嘴唇嘅深淺而影響出色度啦~） 有靚妝，set 頭更少不了~~ 所以化好妝，便由James接捧為我地示範髮型設計。 要令順滑頭髮變得豐盈，可用上頭髮專用嘅鹽水(一般髮品店有售)及粟米夾。 造型時會用到卷髮夾，為減少頭髮傷害，首先用上修護髮油好好保護呢~ James推介嘅是這款L’Oreal Professionel Mythic Oil!! 朱迪之前亦出文分享過，有興趣可按此。 http://judytse.theztyle.com/home.php?mod=space&uid=55632&do=blog&id=154648 用上鹽水後，先用風筒由根部吹。 之後再用粟米夾面離根部分1cm位置夾一下，營造豐盈感。 由於要遮住被夾過嘅痕跡，應避免夾面層頭髮。 用粟米夾夾下一層嘅頭髮，然後再梳回頭髮便可。 如此類推，將要營造豐盈感嘅位置都夾一下即可。 但唔好全頭夾，變成獅子頭便嚇人了^^ 加添野性美，最快嘅效果係將頭髮卷成鬈髮。 可選擇上用直髮夾！ 直髮夾！！？？ 對！用直髮夾反倒更容易卷成心目中嘅鬈度。 更可以每一次用時都卷成唔同鬈度，視乎頭髮厚薄及卷髮嘅時間。 比起傳統卷髮夾更方便。 之後將頭髮分開section卷，再後噴上spray就成了!! 看似複雜嘅造型，其實很輕鬆簡單就完成了！！ 課堂完結後，我亦收到了Kryolan Lip Shine Circle 6 Colors 6色水凝潤澤唇彩呢~ 看上去顏色好難handle嗎? 其實不！由於係唇彩，每隻色嘅顯色度唔會好似唇膏咁實。 唇彩係cream狀嘅，用手指輕印已有足夠份量。 含矽樹脂更能形造極緻豐盈嘅光澤感。 睇下，每一隻色都閃閃發亮但又唔會太over!! 短頭髮嘅朱迪近日亦不忘用上lip shine加添女孩子感覺，不然，舉止粗魯又短髮嘅我會被看成男人婆喲~哈哈哈哈~ 用上lip shine後，不單止無格格不入感，反而看上去更精神呢~ 朱迪最愛用上3號紅色lip shine，先睇下未用lip shine前、帶瘀紅唇色嘅我吧~ 一ｄ都唔健全康呢～ 用上後，唇色光澤感加倍了～ 而睇落去亦比較醒神！ 之後會係加上金色lip shine，加強唇部豐唇感，令嘴唇閃亮之餘亦唔會造成大嘴鳥之感。 最令朱迪喜歡嘅係佢嘅持久效果~ 而且內含呵護雙唇嘅保養成分，不乾脫嘅滋潤亮澤感隨手擁有喲~ 有時候，我仲會將佢當用胭脂喲～ 亦有不錯嘅自然感喲~ 一盒6色，打造唔同嘅造型都一樣岩~~ ^^ Kryolan Lip Shine Circle 6 Colors 6色水凝潤澤唇彩 $268 售賣地點: 地址:九龍彌敦道 233號 佐敦薈7樓 701號舖 網址: www.mays.com.hk 查詢電話： 2369 8789 ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
