進入夏天，一向膚色偏黑嘅朱迪更加努力研究美白products或treatment。 而近期用左Burts Bees Daisy White嘅亮白toner更慢慢令皮膚減黃加白。 見有d效果(因為以前就算用美白產品都白得好慢...)，就立心加快美白速度，向facial埋手。 而5月底朱迪試做左一個非常貼心、舒服、效果又long lasting嘅美白保濕facial。 而呢個facial更可以幫到朱迪解決唔同嘅皮膚問題，包括： 1. 缺水皮膚 2. 幼紋及缺水紋 3. 暗啞肌 更有效更生細胞、緊緻皮膚及減淡黑眼圈！ 佢就係Beauty Glow 嘅Transvital Brightening Facial (Transvital水潤亮膚療程)。 (Beauty Glow係Phillip Wain集團成員之一。) 之前係佢地Beauty Glow買咗超保濕product (詳情請按此)，打上hotline問有無美白或保濕facial時CS小姐建議我做最新推出嘅Transvital Brightening Facial。 細心嘅服務由打去CS開始。朱迪喪問問題，而CS小姐亦一一解答。 做facial 當日朱迪去到Beauty Glow尖沙咀嘅分店（係The One 側邊，樓下有間好大嘅莎莎同豐澤）（要google 一下先搵到…） 簡單登記後，工作人員先帶我行club tour。 Beauty Glow除左有facial，仲有瘦身treatment、massage、更有nail art 同dance class!!估唔到有咁多services~ 入到休息區，竟然仲見成幅牆咁多嘅護膚品。 大部份係歐洲嘅靚牌子，有La Colline, Suisse program，仲有Transvital (我做嘅facial就係用呢個牌子)。 而且休息區入面更有健康小食供應、咖啡、茶、生果免費供應!!! 仲有焗爐(!!!)可以叮多士，最貼心係姐姐會主動幫我叮麵包及野飲!! 佢地嘅飲品更係日日唔同款嘅自家煲健康飲品!!! 而今日嘅健康飲品係雪耳茶，仲列明功效架，勁sweet~ 玩左一陣，hea左一下， 朱迪終於肯去換衫。 而之前CS小姐話咩都唔駛帶，人到就OK了果然無錯! 因為changing room嘅設計非常非常貼心。 枱面上嘅護膚品係Suisse Program!!!! 而且更備有化妝品、頭髮用品、梳、風筒、棉花棒、cotton pad!! 猶如自己屋企toilet一樣~ (可惜我屋企無Suisse Program.....) 換完衫正當朱迪迷惘緊去邊度等治療師時，治療師已喺changing room門口等候，確認我係邊位後就接左我入房。 而入到房後，又係另一細心位。 每間獨立房間都有洗水盤同充足嘅空間可以擺treatment用品同儀器，咁治療師就唔駛行出行入拎野、搬機咁擾人。 治療師亦細心替我蓋好被子，詢問冷氣溫度及光線ok唔ok，之後先開始做treatment。 Transvital Brightening Facial有9成product都係用番Transvital嘅出品。 成個facial更用上2支精華2個面膜唻做。 先做基本野，落妝、清面、針清修眉等等。 但反而呢part更顯得出佢地嘅貼心&細心服務。 因為： 1) 落妝嘅時候治療師勁有心機。我只係淡妝上去，都落左15mins。包括用Transvital 嘅cleansing milk、深層清潔同磨紗幫我潔淨全面。 2) 見我條eyeline畫得好貼睫毛，更慢慢地用棉花棒清潔!! 3) 手勢同力度非常輕柔（已經好想訓） （見到product上面有label嗎?果個label係開封日期，俾客人知道每支product有幾新鮮。而開封後一年內要用完。非常細心周到!） 落完妝感到皮膚非常乾淨，而且好柔軟。 之後針清時我表明之前做針清會出現一針就紅嘅情況，如發現太腫，唔針都無所謂。 蒸面嘅時候，治療師更不斷較角度&較遠d部機，等我蒸耐少少令毛孔盡量擴張。 針清時唔算痛，有d位就算好難推，治療師會用細鉗鉗出唻，免得傷皮膚。 而因為佢嘅細心，唔夾硬擠出粉刺，朱迪嘅紅腫無平時咁嚴重。 開場白開咁耐，終於入戲肉啦~ 治療師先用第一支精華搽勻全面。 呢支係德國嘅”Bio Whitening Serum”(嫩白淡斑保濕精華)，啪蓋就用得，十分新鮮。 而”Bio Whitening Serum”蘊含 1) 桑樹精華 : 抑制酪胺酸酶的活性，減少黑色素嘅形成 2) 虎耳草 : 有效淡化黑色素 3) 黃岑及葡萄精華 :令肌膚達致高效抗氧化，均勻膚色。 ”Bio Whitening Serum”配以新一代“無針注滲技術”將精華打入皮膚嘅細胞底層。 呢部機嘅機頭嘅滾動珠珠可同時發放多極RF，將精華注入細胞底層。 而因為多極發放RF嘅關係，皮膚吸收精華嘅滲透率更高達99% 治療師KEEP住溫柔地導入“Bio-whitening serum”（更覺得有拉提效果呢） 15mins後，皮膚嘅紅腫已經消左一半啦~ (就係下面張指壓相喲~) 而做完“無針注滲導入”後，去到朱迪覺得最舒服嘅session。 面上做指壓同人手推面部淋巴!! 指壓唔係用普通按摩膏，而係用 Transvital Extreme Light Vital – Extreme Lightening Serum！ Serum有效改善肌膚嘅瑕疵、去除暗啞、淡化班點。 細問之下，原來得呢個Transvital facial有指壓同人手推面部淋巴，其他facial只有肩、頸、手按摩。(竟然用“只有”呢個字，出面最多有肩頸按摩，做埋雙手按摩都係第一次聽！) 按摩手法係統一嘅，因此每位治療師入職時都要training。 （竟然連治療師都要有統一手勢，坦白講，朱迪開始覺得Beauty Glow 細心到有d似媽媽咁..... 有d煩XDDD） 治療師手勢非常輕柔舒服，慢慢將質地輕身嘅serum按哂入皮膚。（朱迪已zz...） 指壓後轉用咗另一支Transvital Extraordinary Hydrating Cream 做人手推面部淋巴。 呢樽cream 係專針對乾性缺水肌，蘊含豐富保濕同細胞更生抗衰老成份。而且，透過按壓手法，更可以做到去水腫嘅效果。（無影到相因為已經訓著左lu.....嘻嘻） Massage後仲未完！終於到戲肉啦！ 就係最強嘅美白保濕程序！ 1)先搽Transvital Hydro Intensive mask。 呢個Mask蘊含胺基酸可即時修補受損嘅肌膚；牛油果油精華回復肌膚彈性、緊緻及提升柔軟度。 2) 之後再用含皇牌美白成份Vitamin C嘅「Vitamin C Soft Mask」開成倒模mask敷面 而Beauty Glow 亦規定要用室溫嘅蒸餾水唻開模粉！ 竟然連水都咁講究 ＠＠ 而治療師亦會逐part慢慢上mask，唔會貪快而倒上塊面後先推開。 （朱迪好耐之前遇過咁嘅情況，流到去耳仔到....） 敷mask時，治療師更會同時幫我做肩、頸同雙手嘅按摩！ 有別於其他美容中心，竟然有雙手按摩!!!! 仲要勁舒服，最岩我呢d日日玩電話唔停嘅人可以放鬆下雙手嘅肌肉。而按緊嘅時候朱迪再度zz... 按完治療師會離開房間等我繼續訓，但亦貼心咁細聲同我講放左個“平安鐘”係枕頭。 而最後，起模過水做番所有basic steps 護膚，就完成左成個facial啦!! 而呢個試做facial，足足做左90mins!!! 超級嘆、超級舒服!!絕對值回試做價!!! (做完照，個頭亂哂好樣衰...) 而且做完後番到屋企，皮膚嘅狀態係非常好。 而第2日起身，就更加睇得出皮膚白左同埋毛孔細緻左，而上妝時更係勁快、勁貼。 而呢個facial 效果亦唔會係一日鮮，朱迪細心留意過，只要做好防曬，大約可以last 4—5日!!! 有興趣嘅美眉，快d試下啦~ 以上有關產品嘅資料，朱迪喺呢度搵到，然後自行翻譯，有錯漏唔好見怪~^^ http://www.transvital.ch/en/detergenti.asp 而朱迪之後亦問左相關同事可唔可以將呢個試做價推介俾其他朋友，同事俾左條link我方便大家登記。 試做價 : HK$198 做Transvital Brightening Facial 有興趣嘅美眉，就click入呢度登記啦~ 或者打去呢度搵CS小姐啦~ http://hkcosme.com/phillipwain/cv1ND9m20/ 查詢電話 : 3980 9838 而家做緊promotion，登記試做Transvital Brightening Facial，仲會加送一個”保濕骨膠原眼膜”架!!!! http://www.bgbeautyglow.com/ www.facebook.com/beautyglowhk (而家like佢個fb, 試做treatment 時仲送頸膜呀~ 有理無理like 埋先~~ 嘻嘻) 銅鑼灣羅素街38號金朝陽中心37樓 (2970-2188) 尖沙咀加連威老道2-6號愛賓商業大厦3樓301室 (2301 3288) 多謝收看，有問題或想happy sharing，歡迎email我喲~ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
