話說，由上年入冬直到而家，朱迪皮膚嘅敏感情況依然持續，但就時好時壞。 雖然由舊年開始已經轉用較為補濕嘅精華及lotion，皮膚狀態亦一度穩定落嚟。 但隨著天氣愈熱、濕度愈高，office嘅冷氣亦愈開愈行。 而朱迪經過喪用精華、敷mask、做facial，好不容易令皮膚開始穩定嘅時候，敏感嘅日子又再次降臨……= = 而敏感嘅情況係毫無先兆，誇到做做下野就突然紅腫，每敏感一次就灰爆一次……因為之前一晚嘅mask又付之流水....唉... 朋友仔朱迪見到朱迪灰爆嘅情況，送左呢支佢心目中嘅皇牌精華俾我，希望可以解決到我嘅敏感問題。 而朱迪用完呢一支後，亦決定忍痛入手。點解要忍痛呢? 因為呢一支皇牌精華只有4ml，每一盒得10支。而一盒係$1,280。 佢就係 Made in France嘅Infusens高效補濕精華 Infusens Absolute Moisturizing Concentrate 平時就算點大洗都好，成千蚊嘅精華朱迪都唔捨得入手，寧願拎去做facial。 但今次放血係因為我嘅皮膚實在太乾，同埋敏感嘅情況真係好鬼煩。 雖然知道做facial嘅成效會快好多，但真係好難抽到時間一星期做一次..... 而朱迪係用完第1支後，就決定入手了。因為連續用2日後，皮膚敏感減少了！ (1支4ml，朱迪早及晚都用，共4次。) 而連續用左一個星期，皮膚敏感嘅情況更減少左8成!!! 原因係具有高效保濕成份嘅精華可以減少因為皮膚太乾而引起嘅敏感。 而Infusens高效補濕精華嘅強勁保濕同修護效果就極度適合我而家嘅膚質。 佢蘊含珍貴嘅水溶性殼相聚醣、水解麥蛋白同埋巨海帶萃取物，呢3隻主要成份有效為肌膚注入源源水份，即時擁有水潤透明嘅膚質。 先講一下呢幾個個名咁深嘅成份： 水溶性殼相聚醣：抽取自海洋甲殼類，結構同植物纖維相似，具有持續保濕、活化同修護效果。更可減少油脂分泌，減少因為乾燥而引起嘅敏感。 巨海帶：巨海帶係世界上最大嘅藻類，係一種罕有嘅天然成份，修復受損肌膚同埋鎖緊水份。 水解麥蛋白：係肌膚表面形成幼細嘅保護膜，進一步保濕。 而且，Infusens 高效補濕精華嘅嶄新智慧型配方，會因應空氣中嘅濕度為肌膚作出調節。即係太乾會有補水效果、太朝濕就會有鎖水效果(免得倒抽番轉頭)，無論咩天氣都有完整嘅滋潤同修護效果，回復水凝透嫩細肌。 功效： 佢嘅成份同智慧型配方可以 - 為肌膚補充大量水份外 - 促進細胞更生 - 即時緊緻肌膚 先解構一下呢盒過千蚊嘅精華，1盒價值$1,280，1盒有10支!! 而每支係4ml，即係每ml =$32!!!! 逐ml 計係好貴，但一支以朱迪咁乾同喪用精華唔留手嘅情況都可以用4-5次，皮膚無我咁乾嘅美眉應該用到6-7次。 而直到今日，大約用左7日度。 Infusens高效補濕精華嘅包裝以過千元護膚品唻講絕對唔算華麗，可想以知佢嘅成本唔係去哂個PACKING度，而的的確確係用係產品上面。 簡約嘅暗閃紙盒入面裝住10支獨立真空包裝嘅精華。 而每開一支新精華嘅時候，就啪開“樽蓋”，先將“樽蓋”入面嘅精華“鄧”出嚟。 ( “鄧”完足夠份量後可以用番個“樽蓋”唻封口~) 呢度係“樽蓋”嘅份量，我估大約<1ml，岩岩夠搽全面。 質地算係呈水狀，但唔算好稀，感覺係有少少rich。同埋無色，無味。 使用方法： - 每日朝早 或 夜晚係日常護理前使用。 - 倒出份量後，搽勻全面同頸，再以指腹輕輕按摩讓肌膚充分吸收 推上面時，朱迪近乎一推就吸哂入皮膚...... 我估我嘅皮膚真係乾過沙漠，朋友推左30s先推哂，而我應該係推左3秒.......= = 佢嘅鎖水同智慧型配方真係好勁，第2朝起身用手摸已經覺得皮膚滑左同柔軟左。面油都少左，照一照鏡見到毛孔亦幼細左!!! 呵呵呵，見效ing~ 而用左7日，最見到顯著效果嘅竟然係通宵後用。 話說用到第3日”朝”，朱迪同朋友吹水吹通宵後回家，洗面後，厚敷大半支精華就去訓。 9個鐘訓醒後，見到皮膚狀態無因為通頂而大跌，反而仲keep到保濕同埋滑嘅程度，令到朱迪非常開心呢~ 而原先係鼻頭谷緊既暗瘡亦鎮壓住~ (雖然仲紅紅地) 此外，皮膚保濕狀態好左，另一個明顯嘅改善就係個妝會貼左，上粉時亦可以輕手d。 (係，雖然唔算好貼，但之前皮膚敏感期嘅時候，化完都全部浮粉架...一d都化唔到...好傷心) 到而家用左一星期啦，皮膚狀態已經好左好多~~ 敏感減少左8成~~ 強烈推薦皮膚狀態唔穩定或者需要高度補濕精美嘅朋友~ 而且，買唻看門口亦係唔錯嘅選擇呀~ 朋友買左一盒之後，用到皮膚狀態轉好就keep起其餘嘅精華，每逢需要見人之前就拎出唻急救！ (每盒存放係陰涼處可以keep 2年) 有興趣買嘅美眉可以去以下嘅地方買喲~ 而且買2盒就有85折，可以約埋朋友一齊買喲~~ 售賣點 ： Beauty Glow 羅素街38號金朝陽中心37樓 (2970 2188) 尖沙咀加連威老道2-6號愛賓商業大厦3樓301室 (2301 3288) https://www.facebook.com/beautyglowhk www.bgbeautyglow.com Phillip Wain 尖沙咀金巴利道1-23號美麗華商場11字樓 (2377 3888) 銅鑼灣恩平道28號利園2期4字樓 (2882 7880) 太古城中心第4期2字樓 (2513 1333) https://www.facebook.com/phillipwainhk http://www.phillip-wain.com.hk 多謝收看，有問題或想happy sharing，歡迎email我喲~ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
