好多時，朱迪放工後都會跟寶貝們去飲杯野、吹下水。 而銅鑼灣某花生吧更加係我地嘅聚腳點。 而脫離左劈酒死死團嘅朱迪多數會揀cocktail，鍾意佢地易入口又唔易醉。 Mojito (最愛)、Tequila Sunrise、Daiquiri 都係朱迪大愛嘅Cocktail! 而上星期朱迪更加參加左Cocktail 調酒班，簡直係未出發、先興奮。 今次嘅Cocktail 調酒班係由位於尖沙咀加連威老道同順興商業中心4樓402號嘅「Hong Kong Cocktail School 香港調酒學校」舉辦，好多專業嘅調酒師都係呢度培訓出唻架~ 見到workshop 入面成牆各式各樣嘅酒，好想每款酒都試一啖~ 而今次嘅Cocktail 調酒班就由導師杰sir教我地~ (左) 杰sir好細心咁教左我地唔同嘅調酒技巧同各種cocktail嘅調法。 以下介紹嘅只係後半部~ (因為朱迪要開會，遲左去，幸好趕上了~) 去到時Staice已經調製左佢嘅Tequila Sunrise。 成份： 1 1/2oz Tequila 4oz Orange Juice 1/2oz Grenadine Staice話比較容易調，同埋酸酸甜甜易入口。 (謝謝 Staice借相我用喲~~ ^3^) 而當朱迪睇下上堂rundown時見到menu有Mojito雙眼已經發光! 當杰sir問有無人想出去調酒時，朱迪二話不說話想整Mojito! (而家諗落真係有d失禮....希望杰sir唔好介意~ ^^) 第一次飲Mojito 係朋友介紹嘅，係西班牙文(讀mo-he-to)，自此愛上。 亦係每次去Happy Hour嘅首選，大大話話係十幾間酒吧度都有飲過。 有時會飲得出每個bartender調製出唻嘅分別、有d甜d、有d酸d、間間做法都唔同。所以好想好想學點調一杯正宗嘅Mojito。 而調製Mojito嘅有 成份有： 8 Mint Leaves 1/2 Lime (cut into Wedges，即半個青檸再開4) 2 tsp White Sugar 2oz White Rum Soda Water to top up 想杯Mojito好飲，一定一定要揀新鮮嘅薄荷葉同青檸！ 我地並唔係揀緊菜，係揀緊靚嘅薄荷葉！XDDDD 唔新鮮嘅薄荷葉同青檸會偏苦，令到Mojito失去咗佢嘅主調「Refreshment!」 帶有青檸嘅芳香同薄荷葉嘅清新，先係一杯好飲嘅Mojito。 加砂糖除左中和酸味之外，仲可以薄荷葉嘅味道，同埋青檸皮嘅苦澀味。 將薄荷葉、青檸、砂糖倒入高身杯入面，再用Muddle充份咁壓爛佢地，令到所以嘅材料混合埋一齊。 (朱迪終於知出面飲嘅點解唔好飲，因為佢地係攪爛d材料而唔係Muddling，Muddling係可以keep到個鮮味嘅) 之後加上冰同White Rum、再Shake，On top加Soda略略Stir一下就大功告成啦! 朱迪人生第一杯自製嘅cocktail ，以後home party時我可以整lu!!! 呵呵~~ (左邊是我的，右邊係是杰SIR的~) 朱迪整完後，輪到癲子。 癲子整嘅係Nothing! 相信好多人都飲過! 1 1/2oz Vodka 1/2oz Coconut Liqueur 3oz Pineapple Juice 點擊圖片放大 係有一層薄泡係面嘅菠蘿味Cocktail，好好飲~ 又係另一夏日首選。 (朱迪飲過嘅nothing 係溝橙汁定西柚汁嘅，原來菠蘿味先係最正宗。真係唔學唔知！) 之後亦有其他bloggers 調嘅酒 : 杏仁調製嘅、奶味重一d嘅Grasshopper 。 成份： 1oz Green Mint 1oz White Cacao 1oz Fresh Milk 呢個係想試唔同質感cocktail嘅好選擇，調出唻嘅樣有d似蜜瓜奶、味道有d似薄荷朱古力奶。 呢個味道很討好，我試過係其他嘅酒吧飲過，超級似藥水@@ 但呢個甜甜地，顏色又靚，女孩子們見到一定大愛。 呢款係由 Sugar 及 Ping Ping 調製出來嘅Cosmopolitan 成份： 1 1/2oz vodka 1oz Triple Sec 1 1/2oz Cranberry Juice Dash Cordial Lime Juice 易入口嘅vodka加上cranberry 嘅紅莓，非常討好。 最後，杰sir為我地表演左一款好特別嘅酒。 咪住，「表演」? 今日唔係教花式調酒呀，杰sir表演d咩呢~ 原來係Lamborghini !! 見到杰sir整高塔嘅時候都好奇究竟要調咩酒~ 首先砌好酒之高塔 (用中間之支係有特別原因嘅) 然後令到酒杯入面沾滿酒後再加酒，一點火，入面嘅酒精即刻著火。 然後，由高處倒落去，形成非常靚嘅藍火炎！！(現場睇係熄哂燈嘅~ Staice嘅強勁相機先影到~ 我嘅G10係咩都影唔到~~haha) 而用中間支酒係因為佢嘅玻璃好厚身、非常耐熱，被火燒都唔爆。 杰sir放完火後，問有無人想試下放火。我當然唔會放過啦~哈哈 但原來”放火”係好有技巧嘅，稍一不慎會整爆杯(燒緊既杯爆的話...毀容都似...)。我放嘅時候杰sir金晴火眼咁睇住，準備隨時出手幫忙。 所以話，調酒師並唔係玩，的的確確係一門專門唻架! 多謝杰SIR 教左我地調製左咁多款好好飲嘅cocktail!!!! 而且仲送左個shaker 俾我地tim~~ 我會慢慢試下架啦~~~ 如果大家有興趣上堂嘅，就去「Hong Kong Cocktail School 香港調酒學校」嘅website 睇下啦~ www.cocktail.hk/ https://www.facebook.com/hkcocktailschool BEHIND THE SCENE!! 活動上，不忘跟babies 合照~ 亦要同成班bloggers同杰sir合照呀~~ 多謝收看，有問題或想happy sharing，歡迎email我喲~ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk facebook.com/judytseZ ~~~~~~~~~~~~~~~~~~~~~~~~~~~~~
