Day 22婚後分享，陀B日記都完全未動工，突然間直跳入湊B日記，同意外懷孕及緊急開刀嘅情况一樣，人生就係如此殺我一個措手不及，哈哈！ 睇嚟之後出blog應該都係會毫無pattern咁亂出架啦~~最唔like咁樣，我想順序出呀 haha 介紹番，我係魚少，初次見面，多多指教！ 入正題先~ 魚少呢幾晚半夜唔知發生咩事，明明食飽食到瞓著，已經俾佢瞓係心口一陣，熟睡先落床，點知落床半個鐘都無就狂喊。而佢狂喊就只係得一個原因，要。食。奶！ 如是者，就開始左每次餵半個鐘，然後瞓半個鐘，狂喊，再食半個鐘，好似食藥咁食奶嘅pattern, 而我就更加無覺好瞓。。。 連續三晚半夜頂足兩個幾三個鐘唔瞓餵奶，而到差唔多6點就轉手交俾公公婆婆，亦成功令個衰仔呃到餵奶樽。。。郁下就餵40ml,大前提係佢已經食左兩個鐘。。。點都係飽嘅。。咁真係好難追奶呀。。。唉。。。 咁搞法真係唔係路。。。 結果，係今晚老公再問，會唔會試下俾奶咀？ 本來都唔太想嘅我都開始考慮。(原先驚佢會分唔清乳頭同奶咀所以唔敢俾) 但見佢一放低就喊，真係於心不忍。 係連續幾晚狂扭(抱住) 瞓之下，我個仔終於同奶咀做咗好朋友了！！！ 安撫奶咀萬歲！！ 仲要識得用手頂住，驚個奶咀跌呢~~~ 叻仔！！！ 但另一個問題出現啦。。。係咪可以俾佢食奶咀食成晚架？ ~~~~~~~~~~~~~~~~~~~~~~~~~~~~~ ★朱迪☆ bluesky_judy@yahoo.com.hk www.facebook.com/JudysWonderland 你的支持就是我的鼓勵，希望你能給我一個LIKE 喲~~ 請多多指教喲~ ~~~~~~~~~~~~~~~~~~~~~~~~~~~~~ 更多的平台~ ^^★Blogspot★The Ztyle★Beauty Life★Beauty Exchange★She Blog★U Blog★Fashion and Beauty★Elle Blog★WeShare★Salad Blog★
