細細個睇小丸子，佢係一個冬菇頭，喺我印象中，佢永遠都係一個包包面冬菇頭，有d傻氣又得意嘅妹豬，點知宜家佢竟然大個咗變大眼萌系少女！是咁的，作為小丸子迷，當然要點評下~ 1. 小丸子——大眼妹 第一感覺就係：小丸子變！咗！另！一！個！人！可愛冬菇頭都變少女feel，眼都大咗好多啊，覺得少女版小丸子太斯文，都係懷念之前有少少傻氣嘅佢。 2. 花輪同學——美花男 女大就話18變，但其實男仔都會變得仲多，花輪同學，你已經徹底顛覆細個呆板嘅形象，化身咗懶型嘅美男子！就連頭上果撇頭髮都fing得咁有型！ 3. 小玉同學——文學少女 小玉係變化最小果個，孿辮同眼鏡造型都keep埋，唔通個漫畫家專登打造佢中規中矩的文學少女feel? 4. 野口同學——埃及妖姬 老老實實，野口同學少女版俾我真係有埃及妖姬嘅感覺，仲要係神秘的紫色妖艷…… 其實好似歌仔都有唱：「人總要學會長大」，只不過見到細細粒的小丸子同佢的同學仔突然大個咗，感歎一下過往的青春歲月不再而已。 每個人心中都有個小丸子，如果永遠都可以keep住小丸子後生最靚最可愛最無拘無束個樣，幾好？
