Ｃａｆｅ ｄｅ ｓｏｌカフェデルソル－ 因為香港突然間好似爆出左PANCAKE熱潮，就係咁令我諗返起年頭去福岡覓到既PANCAKE。 之所以會搵到依間ｃａｆｅ出黎全因為我上網搵ｅｇｇｓ‘ｎ ｔｈｉｎｇｓ時立眼見到既。見到佢既評分比ｅｇｇｓ’ｎ ｔｈｉｎｇｓ仲高，而且睇相就知道佢唔野少，所以就決定去會一會佢。 地點佢同樣係天神區，而且只係ｅｇｇｓ’ｎ ｔｈｉｎｇｓ再過多兩條街，只要見到Starbucks轉入去就會見到佢。門口其實唔顯眼，初初去我地仲行錯路去左ＭＵＪＩ個條街。不過最後都搵到佢出黎。真係大風大雪都誓要食到你。 門口小小剛好係星期一而且唔係ＬＵＮＣＨ既黃金時段，但都係要等左一陣。因為落雪既關係坐係門口等，店員仲非常之貼心拎出毛毯比我地怕我地凍。最後等左十分鐘我地就入左去喇。 店舖內既位置唔多而且大多數都係女仔黎食，幾乎都係一人一Pancake，周圍都係人基於禮貌廢事影到人地就冇影室內既相。餐牌內都只有Pancake同咖啡／果汁可以叫，Pancake有圖可睇，咖啡有唔少種類，有唔同口味既LATTE，同唔同口味既牛奶。最後我地３個人叫左款Pancake同三杯野飲。 焦糖口味Pancake – 對於特別喜歡焦糖味既自己一試便愛上，Pancake好味既程度係絕對令人驚艷架，超級鬆軟口感、蛋香味非常之濃厚、上面有薄薄既糖霜，即使唔落焦糖漿都已經非常之好味。旁邊兩粒白色既野本以為都係Cream但到最後既最後先知，原來一舊係Cream一舊係,雪糕，Pancake上仲有唔同既果仁同半條燒左既蕉。不過佢份量都好大份，對於Pancake狂熱者既自己黎講食哂都真係要拍下手掌讚自己。 水果口味Pancake – 水果口味比較清新，對於唔想食太甜既朋友黎講都係一個好既選擇，而水果口味係用傳統既蜂蜜糖漿，上面仲有Ｄ谷物。 朱古力口味Pancake – 朱古力口味係三個之中最甜既一款，但佢個朱古力漿唔係死甜味，有好香厚可可味、Pancake上係一堆朱古力口味既谷物，鍾意朱古力既朋友就一定要試佢喇。 至於咖啡兩杯都係ＬＡＴＴＥ，佢個奶非常之滑，重點係個拉花，差唔多飲到尾個拉花都仲健在到架，師父手勢真係冇得輸架。 Cafe del SOL 絕對係天神區必到既PANCAKE店呀，如果再去福岡我都會再返去。 カフェデルソル （Cafe del SOL） 福岡県福岡市中央区大名1-14-45 営業時間12:00～22:00 不定休
