夏日炎炎,最啱食返啲涼浸浸嘅甜品 喺日本就最興食冰鎮蕨餅 冰爽又滑嘟嘟食幾多都唔夠呀 ★ 呢度嘅蕨餅特別在抽取蕨嘅根部做成「本蕨粉」 呢種珍貴嘅材料令佢有獨特嘅口感同香味 絕對改寫你至今對蕨餅嘅印象 要食到最美味嘅本蕨餅 建議喺30分鐘內食就最鮮美喇 今次嚟到日本有第一大學之稱嘅東大入面 以賞味期限只有30分鐘嘅本蕨餅打響名堂嘅日式CAFE 【廚菓子くろぎ】 點咗連咖啡嘅飲品SET 因為蕨餅喺即叫即做 所以會先嚟咗連SET嘅嘢飲 和菓子同漬物比大家品嚐先 出場喇! 用店LOGO做嘅木箱DESIGN 散發出一種特別嘅高級感 一打開,加入櫻花漬物嘅蕨餅 喺陽光下閃閃生輝 另外有黃豆粉同混入抹茶嘅青大豆粉 一次過比你試齊兩款味道 仲未放入口 單用筷子一夾已經感受到佢彈力十足 一啖入口 蕨餅嘅煙靭口感同香味即時喺口內爆發 果然名不虛傳 另外季節限定嘅刨冰亦有售 試食咗黑蜜黃豆粉嘅和風刨冰 份量比想像中多得緊要 簡直喺兩個人都可以食到有余嘅份量 黃豆粉同黑蜜嘅組合 簡真喺神一樣無敵完美 ★ 加埋刨冰入面嘅白玉丸子 肯定美味無比 唔只MENU特別 連外面嘅店鋪設計都好有STYLE 聽講就喺由東大教授兼建築家嘅隈研吾氏所擔當 喺戶外露台席一邊享受自然同品賞和菓子 好奢侈嘅一個下午 ★ ========================= 【廚菓子くろぎ】 住所:東京都文京区本郷7丁目3−1 電話: +81 3-5802-5577 ========================= ★インスタグラムも更新中★ 是非ご覧ください! 。公式HP 。 http://msmui.com 。公式BLOG 。 https://muihk.blogspot.jp/ 。FACEBOOK 。 https://www.facebook.com/jpmui 。INSTAGRAM 。 https://www.instagram.com/msmuimui/ 。YOUTUBE 。 https://www.youtube.com/user/sexymuimuimui