任何事都沒有必然，多次練習才會成功 好多人問我苦心鑽研夾公仔多年，一擊即中的成功率有多高？技巧最純熟時，成功率是五十五十，而其他一般玩家幾乎是零。點解？第一，自古成功在嘗試，試都唔試就一定無機會。第二，practice makes perfect，要成功就一定要多次付出，無人一日變大師。我多年練習，先令我可以望一眼就能判斷，一部機的型號和公仔布局，以及能讓我夾到公仔的機會有多高。 得到的不只是公仔，而是成功感 雖然通常都係女仔先鍾意公仔，我都唔係每個公仔都喜歡，但夾公仔根本目的不在公仔，而係夾到那一刻的成功感。夾公仔唔係一場賭博，而係你多年來付出的考驗，每一次夾到公仔，就好似對你既鍛煉給了肯定一樣。
