今次轉戰試下長沙灣工廈嘅西餐廳，經朋友介紹下試下呢間G.cuisine 店內環境清靜，色調偏黃偏暗，感覺柔和優雅，都幾適合拍拖談心，侍應們也殷勤有禮，主動講解有咩食同推介。 原來除咗menu嘅set dinner外，原來可以所有主菜加$90變做set，會多左頭盤，湯同嘢飲，咁就變咗多好多選擇同更抵呀~! 所以今次我地都係散叫2個主菜加$90變做set, 平過佢本身既set dinner，同野食又0岩食D。 麵包上檯時係暖既, 有2款, 香草麵包同埋薄脆，等頭盤時食下薄脆就0岩晒 頭盤有2款，分別係Iberico ham配溫泉蛋瑞士芝士，同海鮮沙律配2款口味果凍，2款都ok! Iberico ham係我鍾意既質地，軟淋，少少膠膠地，唔會太硬同太咸，溫泉蛋配埋果塊出色既瑞士芝士，真係好匹配，芝士既咸香加上流心蛋黃既香，真係perfect match, 一流!!如果多一塊呢個芝士就真係妙絕!! 另一碟既海鮮沙律, 海鮮同沙律都新鮮既，特別在果D果凍，配埋沙律食，多左一份清新既感覺，同質感上又多左一個層次，質地上佢係比較挺身，唔知點解有DD似份子料理既感覺!! 南瓜湯味道非常好，好香濃，如果可以厚身d就perfect，可惜湯中海鮮就無味嘅，no good! 主菜膽粗粗叫咗好特別嘅片皮鴨pizza，食落竟然又幾夾喎，真係可以一試， 另外仲叫左一個野菌蕃茄芝士焗長通粉，通粉彈牙，醬汁調配 得幾好味，總括呢餐係好味同抵食既，係可以再去嘅餐廳，只係對我黎講有點遠！(以上2個變做餐後合共$480） G. Cuisine 地址:荔枝角長沙灣道883號億利工業中心405室 (港鐵荔枝角站 D1 出口, 步行約1分鐘) 營業時間: 星期一至六: 12:00-15:00;18:00-23:00 (22:00截單) 星期日及公共假期: 休息 ************************************************************************************ 想知更多飲食資訊記住 LIKE埋【多啦c夢-為食大長篇】嘅 Facebook 同 Instagram，一齊開心「為食」搵食 ************************************************************************************
