近門的店內 3點零去到都要等左大約半個鐘， 大門入去可以單買蛋糕走 等到位就要食好D啦, 都唔知下次幾時先有機會黎，咁就叫個最貴既whole lobster breakfast ($268)試下啦! 有燒焗半隻龍蝦, 龍蝦撻, waffle, 龍蝦湯, parma ham + 蜜瓜, 煙肉露筍 ,黑松露炒蛋, 蕃茄, 雜菇, 茄汁豆。當中燒焗半隻龍蝦就鮮味有膏既，可惜焗得太耐，D肉有D鞋同韌，成碟最鍾意佢個龍蝦撻,黑松露炒蛋,同埋個樣似bagel既waffle!! 個waffle 出奇地好食喎! 店內其中一角有緣色草地 另外叫左個Earl Grey Tea Toast ($49), 又幾好味喎，第1啖食落已經好大陣earl grey 味，再食落中間有D麻薯同焗熔左既棉花糖，食落多左一層D煙韌感, 幾好，加埋雪糕同面頭D脆脆地既粒粒食，好快就俾我食晒喇>.< 最後叫左件蛋糕,最想食既Mocha ,已經賣晒........下次請早，咁就叫左個都係朱古力味既Blue planet (單叫$42,叫左主菜，加蛋糕食平D，加廿幾)試下，唔係太陣朱古力味，食食下橙味比較強烈，唔係我杯茶! 飲品叫左杯濃朱古力, 同Cappuccino, 無咩拉花，朱古力都算濃味既, 咖啡就無咩特別! 荳子BEANS The Backyard 地址: 將軍澳唐賢街9號PopCorn商場1樓F95號舖 ******************************************************************************** 記住 LIKE【多啦c夢-為食大長篇】Facebook 同 Instagram，一齊開心「為食」搵食 ************************************************************************************
