CP值超高!$3百幾蚊位,酒店海景,任食龍蝦海鮮Weekend Brunch 大力推介! Cucina weekend semi buffet brunch真係好食抵食，星期六日都有既! 頭盤同甜品任食，主菜揀一樣! 任食嘅海鮮沙律全部新鮮好味~ 店內環境 Mixed salad 有成10種，無mix好嘅菜都有幾款俾你自己整， 回本龍蝦都係無限量供應，唔使排唔使搶，仲要有好多膏，太正，好鮮味，我好似食咗半打，抵晒， 另外介有長腳蟹，螺，扇具，青口都幾好，唯一唔好食係凍蝦無蝦味， 行遠少少有cold cut 同芝士拎，唔算多款，不過都唔錯嘅， 食得太多凍野，可以拎2款熱湯飲下暖下個胃，蘑菇湯同海鮮雜菜湯都好好，海鮮雜菜湯入面真係有好多海鮮，個湯好鮮甜，不過出面太多凍海鮮食，所以唔使食湯入面果D, hehe 都有少許熱食，就係pizza，有幾款，味道都不錯，可以一食! 主菜揀左慢煮三文魚配茴香汁同燴牛面頰肉伴芝士粟米蓉，2樣其實都幾好，不過因為已經食得太飽，已經唔係好食得落，哈哈~ 甜品方面都係唔算多款，但有4款movenpick雪糕同朱古力噴泉，竟然有幾款橡皮糖過下口癮，當然都有生果俾你食，令你感覺清新D，感覺無咁滯!!! 點擊圖片放大 大部份都望到海景，有D檯仲係對住對中環摩天輪，好靚架，如果一定要望海就訂檯時講聲! 想近D拎野食既就無咁近窗啦! $398@加10%，仲要信用卡有8折，即係埋單唔使@360一個人！(加多$120 free flow飲紅白酒果汁汽水!) Cucina意大利餐廳 地址: 尖沙咀廣東道3號海港城馬哥孛羅香港酒店6樓 港鐵尖沙咀站 A1/ L5 出口, 港鐵柯士甸站 F 出口 ******************************************************************************** 記住 LIKE【多啦c夢-為食大長篇】Facebook 同 Instagram，一齊開心「為食」搵食 ************************************************************************************
