之前睇過介紹呢間新加坡野，話佢既胡椒蟹好好味，大約$3百幾$400隻，一路都想試下呢間餐廳，今日有機會小試牛刀，食下個lunch先 午市餐牌 海南雞飯上睇落都幾吸引，同檯有2個同事係有雞脾食，我果碟就係雞胸，開頭都有D失望，驚好鞋，食落真係有驚喜，佢D海南雞連雞胸都勁滑，真係好少食到咁滑嘅雞胸，雞嘅份量都算多，而且又冇雪味，真係讚! 好似新加坡天天海南雞咁滑，加上D飯唔會好油，份量啱啱好! 肉骨茶係藥材口味，味道都幾好，肉夠淋身同香好入味，食落去好易分開骨，配上一碗白飯和油炸鬼，油炸鬼唔會太油都幾好，吸埋肉骨茶D湯食仲好味道，非常暖胃，食完夠晒飽! 影定佢個餐牌，搵日夜晚嚟試下胡椒蟹先 班蘭小館 地址:西灣河筲箕灣道49號麗灣大廈地下H舖 地圖 ****************************************************************************************** 記住 LIKE【多啦c夢-為食大長篇】Facebook 同 Instagram，一齊開心「為食」搵食 ************************************************************************************
