有一次睇完蘋果的介紹後, 舊同學就相約趁5月初天氣未太熱的時候一齊行山 呢類型簡簡單單冇泥路就最啱我行 首先先約到西貢市食個松記車仔麵 食飽飽就坐94巴士去到北潭凹落車 落車的對面就係入口處 治途路都好易走, 係石屎路 之後應該行左半小時左右就到赤徑 一見都咁水清就好開心, 始終平時見開的都十分之污濁 當然要影幾幅沙龍照啦 繼續慢慢行差不多一小時就到達茶檔(當日有三間) 伯伯照呼十分好,我地三人嗌了五花茶,柑桔,木瓜糖水解暑 唔知係咪蘋果介紹食豆腐花 隔壁木台叫豆腐花的時候伯伯提醒 行完山後唔可以立即食豆腐花, 因為豆腐花含石膏, 立即食係對身體唔好架!! 休息過後繼續去咸田灣進發 半小時左右就到達鹽田灣 第一眼望到時真係驚嘆, 香港其實仲有好多好美的地方 希望大家保持清潔呀! 雖然天氣好曬,但過橋的時唔小心失平衡 趁曬乾鞋的時間順便欣賞美麗的環境 點擊圖片放大 之後準備行去西灣.. 其實由西灣可以有船出番西貢,但價錢唔平, 即使大家都好支力都決定行去西灣亭 當我地行到去西灣亭的時候已經六點喇 正是未班車的時間, 由於上唔到車的關係 就決定行出去call的士/uber (電話收唔到呀) 但行行下的時候竟然比我地見到架村巴 即使好支力,大家都立即衝向架村巴到 可能司機仲見到有人等車所以走多轉啦~ 真係好彩喇!!